മോസ്കോ: അമേരിക്ക ഉടന് നടത്താനിരിക്കുന്ന രണ്ടു പുതിയ മിസൈലുകളുടെ പരീക്ഷണത്തിനെതിരെ ശക്തമായ എതിര്പ്പുമായി റഷ്യ രംഗത്ത്. രണ്ട് അതിശക്തമായ മധ്യദൂര-ആണവ മിസൈലുകളാണ് അമേരിക്ക പരീക്ഷിക്കാനൊരുങ്ങുന്നത്. ഇത് അന്താരാഷ്ട്ര ആണവ നയങ്ങളുടെ ലംഘനമാണെന്നാണ് റഷ്യന് മിസൈല് സേനയുടെ കമാന്റര് ജനറല് സെര്ജി കാരാകായേവ് ആരോപിച്ചു.
‘ 2019 അവസാനിക്കും മുന്നേ അമേരിക്ക രണ്ടു മിസൈലുകളാണ് പരീക്ഷിക്കാനൊരുങ്ങുന്നത്. രണ്ടും മധ്യദൂര മിസൈലുകളാണ്. ക്രൂയിസ് ഇനത്തില്പ്പെട്ട മിസൈലുകളില് ഒന്ന് 1000 ആയിരം കിലോമീറ്റര് പരിധിയുള്ളതും രണ്ടാമത്തേത് 3000 കിലോമീറ്റര് സഞ്ചരിക്കുന്നതുമാണ്. നിലവിലെ സാഹചര്യങ്ങളില് ഈ മിസൈലുകളില് ആണവ സംവിധാനം ഘടിപ്പിക്കില്ലെന്ന് ആര്ക്കാണ് ഉറപ്പുനല്കാനാവുക’ കരാകായേവ് ചോദിച്ചു.
കഴിഞ്ഞയാഴ്ച അമേരിക്ക കാലിഫോര്ണിയയില് ഭൂതല മിസൈലുകളുടെ പരീക്ഷണങ്ങള് നടത്തിയിരുന്നു. കടലില് നിന്ന് വിക്ഷേപിക്കാന് സാധിക്കുന്ന മിസൈല് 500 കിലോമീറ്റര് സഞ്ചരിക്കുന്ന വിധമാണ് സജ്ജമാക്കിയിട്ടുള്ളത്. 1987ലാണ് അമേരിക്കയും റഷ്യയും തമ്മില് ആണവായുധ നിയന്ത്രണ കരാര് ഒപ്പിട്ടത്.എന്നാല് ഈ വര്ഷം ആഗസ്റ്റില് അമേരിക്ക കരാറില്നിന്ന് പിന്മാറിയിരുന്നു.
