ന്യൂഡല്ഹി: അച്ഛനേക്കാള് ഒട്ടും പിറകിലല്ല താനെന്ന് തെളിയിച്ച് ക്രിക്കറ്റ് ഇതിഹാസം രാഹുല് ദ്രാവിഡിന്റെ മകന് സമിത്. അണ്ടര് 14 വിഭാഗത്തില് നടന്ന സംസ്ഥാനതല മത്സരത്തില് കാഴ്ചവെച്ച ഇരട്ട സെഞ്ച്വറി പ്രകടനത്തിലൂടെയാണ് സമിത് വാര്ത്തകളില് ഇടംനേടിയത്.
ധര്വാദ് സോണിനെതിരേ വൈസ് പ്രസിഡന്റ്സ് ഇലവനുവേണ്ടിയാണ് സമിത് ഇരട്ട സെഞ്ച്വറി നേടിയത്. ഡല്ഹിയില് നടന്ന അണ്ടര് 14 ഇന്റര് സോണല് ടൂര്ണമെന്റിലായിരുന്നു സമിത്തിന്റെ തകര്പ്പന് പ്രകടനം. 256 പന്തില് നിന്ന് 22 ബൗണ്ടറികളുടെ അകമ്പടിയോടെ 201 റണ്സാണ് സമിത് സ്വന്തമാക്കിയത്. 67ന് 3 എന്ന നിലയില് തകര്ച്ചയിലേക്ക് പോയ ടീമിനെ നാലാം വിക്കറ്റില് സമിത്-മൊഹന്തി സഖ്യം നേടിയ 146 റണ്സ് കൂട്ടുകെട്ടാണ് കരകയറ്റിയത്.
എന്നാല് രണ്ടാം ഇന്നിംഗ്സിലും സമിത് മികച്ച ഫോം തുടര്ന്നു. പുറത്താകാതെ സമിത് നേടിയ 94 റണ്സ് ടീമിന് സമനില സമ്മാനിച്ചു. മൂന്നു വിക്കറ്റുകള് വീഴ്ത്തിയ സമിത് ബാറ്റിംഗിനു പുറമെ ബോളിംഗും തനിക്ക് വഴങ്ങുമെന്ന് തെളിയിച്ചു.
