ലണ്ടന്: കളികള്ക്കിടെയും അല്ലാതെയും കായികതാരങ്ങളെ, നിറത്തിന്റേയോ വര്ഗ്ഗത്തിന്റേയോ പേരില് അധിക്ഷേപിക്കുന്നതിനെതിരെ ബ്രിട്ടീഷ് ഭരണകൂടത്തിന്റെ ശക്തമായ മുന്നറിയിപ്പ്.
കഴിഞ്ഞ ഞായറാഴ്ച ചെല്സിയും ടോട്ടനവുമായുള്ള മത്സരത്തിനിടെയാണ് ആരാധകരുടെ അധിക്ഷേപം നടന്നത്. ചെല്സി താരം അന്റോണിയോ റൂഡിഗറിനെതിരെയാണ് വംശീയ അധിക്ഷേപം നടന്നതായി പരാതി ഉയര്ന്നത്. കളിക്കിടെ കുരങ്ങിന്റെ ശബ്ദം ഒരു കൂട്ടം ആളുകള് പുറപ്പെടുവിച്ചുവെന്നാണ് റൂഡിഗറിന്റെ പരാതി.
‘ഫുട്ബോളില് വംശീയ അധിക്ഷേപവും വര്ണ്ണവെറിയും ഒരു കാരണവശാലും അംഗീകരിച്ചുതരാനാകില്ല’ ബ്രിട്ടീഷ് കായിക മന്ത്രാലയം പുറത്തിറക്കിയ പത്രക്കുറിപ്പില് പറഞ്ഞു.
