ഒത്തുകളി വിവാദത്തില് അജീവനാന്ത വിലക്ക് ലഭിച്ചതിന് ശേഷം പാകിസ്താന് ഭരണകൂടത്തിന്റെയോ പാക് ക്രിക്കറ്റ് ബോര്ഡിന്റെയോ ഭാഗത്തുനിന്നും പിന്തുണ ലഭിച്ചിട്ടില്ലെന്ന് പാക് മുന് ക്രിക്കറ്റ് താരം ഡാനിഷ് കനേരിയ. അതേസമയം സമാനസാഹചര്യത്തില് വിലക്ക് ഏര്പ്പെടുത്തിയ കളിക്കാര് ക്രിക്കറ്റ് ബോര്ഡിന്റെ പിന്തുണയോടെ ഇപ്പോഴും കളിക്കുന്നുണ്ടെന്നും ഡാനിഷ് പറഞ്ഞു.
ഹിന്ദുവായതിനാല് പാകിസ്താന് ക്രിക്കറ്റ് ടീമിലെ മുന് ക്രിക്കറ്റ് താരം ഡാനിഷ് കനേറിയ കടുത്ത വിവേചനം നേരിട്ടിരുന്നുവെന്ന് ഷുഹൈബ് അക്തറാണ് വെളിപ്പെടുത്തിയത്. ഹിന്ദുവായതിനാല് ഒപ്പമിരുന്ന് ഭക്ഷണം കഴിക്കാന് പോലും ടീം അംഗങ്ങള് തയ്യാറായിരുന്നില്ലെന്നും ഷുഹൈബ് വ്യക്തമാക്കി.
ഇതു സംബന്ധിച്ച് സംസാരിച്ചപ്പോഴൊക്കെ ടീം ക്യാപ്റ്റന് ഉള്പ്പെടെ തന്നോട് മോശമായി പെരുമാറിയിരുന്നുവെന്നും അക്തര് പറഞ്ഞു. ഷുഹൈബ് വെളിപ്പെടുത്തിയത് സത്യമാണെന്ന് പ്രതികരിച്ച് ഡാനിഷും രംഗത്തെത്തിയിരുന്നു.
