കൊച്ചി: ഷെയ്ന് നിഗവുമായി ബന്ധപ്പെട്ട വിഷയത്തില് താരസംഘടനയായ അമ്മ ഇടപെടുന്നു. ഇതുമായി ബന്ധപ്പെട്ട് അമ്മയുടെ എക്സിക്യൂട്ടീവ് യോഗം ജനുവരി ഒമ്പതിന് കൊച്ചിയില് ചേരും. ഷെയ്നെ കൂടി യോഗത്തില് വിളിച്ചു വരുത്തിയുള്ള പ്രശ്നപരിഹാരത്തിനാണ് സംഘടന ശ്രമിക്കുന്നത്.
അതേസമയം, ഷെയ്നുമായി നേരിട്ടൊരു ചര്ച്ചയ്ക്ക് ഇല്ലെന്ന നിലപാടിലാണ് നിര്മാതാക്കളുടെ സംഘടനയായ പ്രൊഡ്യൂസേഴ്സ് അസോസിയേഷന്. വിഷയം അമ്മ ചര്ച്ച ചെയ്ത ശേഷം ആ തീരുമാനം തങ്ങളെ അറിയിച്ചാല് മതിയെന്നും പ്രൊഡ്യൂസേഴ്സ് അസോസിയേഷന് വ്യക്തമാക്കുന്നു. ഇതിനു ശേഷം തങ്ങളുടെ പ്രതികരണം ഉണ്ടാകുമെന്നും പ്രൊഡ്യൂസേഴ്സ് അസോസിയേഷന് പറയുന്നു.
നേരത്തെ, ഡിസംബര് 22 ന് യോഗം ചേരാനാണ് സംഘടന തീരുമാനിച്ചത്. എന്നാല് അമ്മ പ്രസിഡന്റ് മോഹന് ലാലിന്റെ അസൗകര്യം കാരണം യോഗം മാറ്റിവെക്കുകയായിരുന്നു. അമ്മയുടെ യോഗത്തില് പ്രശ്നപരിഹാരം ഉണ്ടായേക്കുമെന്നാണ് സൂചന.
