ന്യൂഡല്ഹി: ടീം ഇന്ത്യയെ ഇന്ത്യന് മണ്ണില് വന്ന് നേരിടുക എന്നതിലും വലിയ വെല്ലുവിളിയില്ലെന്ന് പുതിയ ഓസ്ട്രേലിയന് ബാറ്റിംഗ് വിസ്മയം മാര്നസ് ലബുഷെയ്ന്. ഇന്ത്യ-ഓസ്ട്രേലിയ പരമ്പരക്ക് മുന്നോടിയായാണ് ലബുഷെയ്ന്റെ പ്രസ്താവന.
‘ഇന്ത്യയില് കളിക്കുകയെന്നത് എല്ലാക്കാലത്തും വലിയ വെല്ലുവിളിയാണ്. കരുത്തരായ ടീമാണ് ഇന്ത്യ. അവര്ക്ക് മികച്ച ബാറ്റ്സ്മാന്മാരും ബോളര്മാരുമുണ്ട്. ഒരു കളിക്കാരനെന്ന നിലയില് സ്വയം വിലയിരുത്തല് നടത്താന് ഏറ്റവും ശക്തരായ എതിരാളികളോട് ഏറ്റവും ബുദ്ധിമുട്ടേറിയ സാഹചര്യത്തില് കളിക്കണം’. ലബുഷെയ്ന് വ്യക്തമാക്കി.
ന്യൂസിലന്ഡിനെതിരായ പരമ്പരയില് 91.50 ശരാശരിയില് 549 റണ്സാണ് ലബുഷെയ്ന് അടിച്ചുകൂട്ടിയത്. കഴിഞ്ഞ അഞ്ച് ടെസ്റ്റ് മത്സരങ്ങളില് നിന്ന് മൂന്ന് സെഞ്ച്വറികളും ഒരു ഇരട്ട സെഞ്ച്വറിയുമാണ് ലബുഷെയ്ന് സ്വന്തമാക്കിയത്.
