ന്യൂഡല്ഹി: പൗരത്വ ഭേദഗതി നിയമത്തെ പിന്തുണയ്ക്കുന്ന ബോളിവുഡ് താരങ്ങളുടെ വീഡിയോ പങ്ക് വെച്ച് ബിജെപി. പാര്ട്ടിയുടെ ട്വിറ്റര് അക്കൗണ്ടിലാണ് വീഡിയോ പങ്ക് വെച്ചത്. ഗായകന് ഷാന്, അഭിനേതാക്കളായ തനിഷ മുഖര്ജി, രണ്വീര് ഷോരെ, സംവിധായകന് അനില് ശര്മ തുടങ്ങിയവരാണ് പൗരത്വ ഭേദഗതി നിയമവുമായി ബന്ധപ്പെട്ട് അഭിപ്രായങ്ങള് പങ്കുവെച്ചത്.
സിഎഎയുമായി ബന്ധപ്പെട്ട തെറ്റിദ്ധരാണകളും യാഥാര്ത്ഥ്യങ്ങളും ചര്ച്ച ചെയ്യുന്നതിനായി ബിജെപി മുംബൈില് സംഘടിപ്പിച്ച പരിപാടിയില് പങ്കെടുക്കവെയാണ് താരങ്ങള് തങ്ങളുടെ നിലപാട് വ്യക്തമാക്കിയത്. കേന്ദ്രമന്ത്രി പീയുഷ് ഗോയല് ചര്ച്ചയില് പങ്കെടുത്തിരുന്നു.
സെന്സര് ബോര്ഡ് മേധാവി പ്രസൂണ് ജോഷി, ചലച്ചിത്ര പ്രവര്ത്തകരായ രാഹുല് റാവയില്, കുനാല് കോഹ്ലി, അനുമാലിക്, നിര്മ്മാതാക്കളായ റിതേഷ് സിദ്ധ്വാനി, ഭൂഷണ് കുമാര്, അഭിഷേക് കപൂര്, തുടങ്ങിയവരും പരിപാടിയില് പങ്കെടുത്തു. അതേസമയം ആമിര്ഖാന്, രണ്വീര് സിംഗ്,ഷാരൂഖ് ഖാന് തുടങ്ങിയ താരങ്ങള് പൗരത്വ ഭേദഗതി നിയമവുമായി ബന്ധപ്പെട്ട് നേരത്തെ തന്നെ പ്രധാനമന്ത്രിയുമായി കൂടിക്കാഴ്ച നടത്തിയിരുന്നു.
India supports Citizenship Amendment Act, 2019. #IndiaSupportsCAA pic.twitter.com/J9qhgVYv5F
— BJP (@BJP4India) January 7, 2020
പൗരത്വ ഭേദഗതി നിയമം 2019, ഇന്ത്യന് പൗരനെ ബാധിക്കില്ല. സിഎഎയെ കുറിച്ച് അഭിനേതാക്കള്ക്ക് എന്താണ് പറയാനുള്ളത് കണ്ടുനോക്കൂ. എന്ന കുറിപ്പോടെയാണ് വീഡിയോ പങ്കുവെച്ചിരിക്കുന്നത്.
