സൂപ്പര് സ്റ്റാര് രജനികാന്തിന്റെ ഇന്ന് റിലീസ് ചെയ്ത ചിത്രം ദര്ബാര് ഓണ്ലൈനില്. തമിഴ് റോക്കേഴ്സ് എന്ന പൈറസി സൈറ്റാണ് ചിത്രം ലീക്ക് ചെയ്തത്. തമിഴ് റോക്കേഴ്സ് വെബ്സൈറ്റിലും ടെലഗ്രാം പോലെയുള്ള ആപ്പുകളിലും ചിത്രം അപ്പ്ലോഡ് ചെയ്യപ്പെട്ടതായാണ് വിവരം.
രജനിയുടെ മുന് കാല ചിത്രങ്ങളെല്ലാം ഇറങ്ങുന്ന ദിവസം തന്നെ തമിഴ് റോക്കേഴ്സ് ചോര്ത്തി വെബ്സൈറ്റില് അപ്്ലോഡ് ചെയ്തിരുന്നു. ഭീഷണി മുന്നിലുള്ളതിനാല് ശക്തമായ മുന് കരുതലാണ് ചിത്രത്തിന്റെ അണിയറ പ്രവര്ത്തകര് സ്വീകരിച്ചത്. ദര്ബാറിനെ തൊട്ടു കളിക്കരുതെന്ന് വെല്ലുവിളിച്ച് തമിഴ് റോക്കേഴ്സിനെതിരെ രജനി കാന്ത് തന്നെ നേരിട്ട് എത്തിയിരുന്നു.
എന്നാല് രജനിയുടെ വെല്ലുവിളി വകവെക്കാതെ പുറത്തിറങ്ങിയ ദിവസം തന്നെ തമിഴ് റോക്കേഴ്സ് ചിത്രം സൈറ്റില് അപ് ലോഡ് ചെയ്തു. അതേസമയം, തമിഴ് റോക്കേഴ്സ് റാഞ്ചിയാലും സിനിമ തിയറ്ററില് തന്നെ പോയി കാണുമെന്ന നിലപാടിലാണ് രജനിയുടെ ആരാധകര്.
25 വര്ഷത്തിനു ശേഷം രജനികാന്ത് പോലീസ് വേഷത്തിലെത്തുന്ന ചിത്രമാണ് ദര്ബാര്. ചിത്രത്തില് നായികയായി എത്തിയത് തമിഴകത്തിന്റെ ലേഡി സൂപ്പര് സ്റ്റാര് നയന്താരയാണ്. ലൈക്ക പ്രൊഡക്ഷന്സ് നിര്മ്മിച്ച ചിത്രം വോള്ഡ് വൈഡായി 7000 സ്്ക്രീനുകളിലാാണ് ആദ്യദിനം പ്രദര്ശനത്തിന് എത്തിയത്. ചന്ദ്രമുഖി, കുശേലന്,ശിവജി തുടങ്ങിയ സിനിമകള്ക്ക് ശേഷമാണ് നയന്താര രജനിക്കൊപ്പം വീണ്ടും ഒന്നിച്ചത്.