Entertainment

പ്രേക്ഷകരെ ആകാംക്ഷയുടെ മുള്‍മുനയില്‍ നിര്‍ത്താന്‍, വരുന്നൂ ഒരു പിടി ത്രില്ലര്‍ ചിത്രങ്ങള്‍

പതിവ് റോമാന്റിക്ക് കോമഡി ചിത്രങ്ങളില്‍ നിന്ന് മാറി സഞ്ചരിക്കുകയാണ് മലയാള സിനിമാ മേഖല. മലയാളത്തില്‍ ഇനി ത്രില്ലര്‍ സിനിമകളുടെ കാലം. പ്രേക്ഷകരെ ത്രില്ലടിപ്പിക്കാന്‍ വ്യതസ്ഥ തരം സിനിമകളാണ് ഇക്കൊല്ലം അണിയറയില്‍ ഒരുങ്ങുന്നത്.

കുഞ്ചാക്കോ ബോബന്‍ മിഥുന്‍ മാനുവല്‍ കൂട്ടുകെട്ടില്‍ പുറത്തിറങ്ങിയ അഞ്ചാം പാതിര വിജയകരമായി തിയേറ്ററില്‍ മുന്നേറുകയാണ്. ക്രൈം ത്രില്ലര്‍ ആയാണ് ചിത്രം ഒരുക്കിയിരിക്കുന്നത്. ഇതിന് പിന്നാലെ നിരവധി ത്രില്ലര്‍ ചിത്രങ്ങളാണ് അണിയറയില്‍ ഒരുങ്ങുന്നത്.

മമ്മൂട്ടി ചിത്രങ്ങള്‍ ദി പ്രീസ്റ്റ്, സേതുരാമയ്യര്‍ 5, ടൊവിനോ തോമസിന്റെ ചിത്രം ഫോറന്‍സിക്, ജയസൂര്യ ചിത്രം അന്വേഷണം, ഫഹദ് ഫാസില്‍ ചിത്രം ട്രാന്‍സ്, മാര്‍ട്ടിന്‍ പ്രക്കാട്ട് ചിത്രം എന്നിങ്ങനെ നിരവധി ചിത്രങ്ങളാണ് അണിയറയില്‍ ഒരുങ്ങുന്നത്.

മമ്മൂട്ടി ചിത്രം ദി പ്രീസ്റ്റ് ജോഫിന്‍ ടി ചാക്കോയാണ് സംവിധാനം ചെയ്യുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ കഴിഞ്ഞ ദിവസം പുറത്തിറങ്ങിയിരുന്നു. സസ്‌പെന്‍സ് ത്രില്ലര്‍ ചിത്രമാണ് ദ പ്രീസ്റ്റ്. മമ്മൂട്ടിക്കൊപ്പം മഞ്ജു വാര്യരും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നു. അണിയറയില്‍ ഒരുങ്ങുന്ന ടൊവിനോ തോമസ് ചിത്രമാണ് ഫോറന്‍സിക്. മംമത മോഹന്‍ദാസാണ് ചിത്രത്തിലെ നായിക. സുജിത്ത് വാസുദേവാണ് ചിത്രത്തിന്റെ സംവിധായകന്‍. ഒരു ഫോറന്‍സിക് സര്‍ജന്റെ ജീവിത കഥയാണ് ചിത്രത്തില്‍ പറയുന്നത്.

ഫഹദ് ഫാസില്‍ ചിത്രം ട്രാന്‍സാണ് അണിയറയില്‍ ഒരുങ്ങുന്ന മറ്റൊരു ചിത്രം. അന്‍വര്‍ റഷീദ് സംവിധാനം ചെയ്യുന്ന ചിത്രത്തില്‍ ഫഹദും നസ്രിയയും പ്രധാന വേഷത്തില്‍ എത്തുന്നു. ജയസൂര്യ നായകനാക്കി പ്രശോഭ് വിജയന്‍ സംവിധാനം ചെയ്യുന്ന ചിത്രമാണ് അന്വേഷണം. ത്രില്ലിംഗ് രംഗങ്ങളാണെന്ന് ചിത്രത്തിന്റെ ട്രെയിലര്‍ കാണുമ്പോള്‍ തന്നെ മനസിലാക്കാന്‍ സാധിക്കുന്നു. സുജിത്ത് വാസുദേവ് ഛായാഗ്രഹണം നിര്‍വ്വഹിച്ചിരിക്കുന്നത്.

110 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close