മെല്‍ബണ്‍: ഓസ്‌ട്രേലിയന്‍ ഓപ്പണിലെ അട്ടിമറികളുടെ താരം കോകോ ഗൗഫ് പുറത്തായി. അമേരിക്കയുടെ തന്നെ 14-ാം സീഡ് കെനിനാണ് ഗൗഫിന്റെ കുതിപ്പിന് കടിഞ്ഞാണിട്ടത്. സ്‌ക്കോര്‍: 7-6,3-6,0-6. ടൂര്‍ണ്ണമെന്റിലെ ഏറ്റവും വലിയ രണ്ട് അട്ടിമറികളിലൂടെ അമേരിക്കയുയെ കൗമാര താരം ഞെട്ടിച്ചത് വീനസിനേയും നിലവിലെ ചാമ്പ്യന്‍ ജപ്പാന്റെ ഒസാക്കയേയുമായിരുന്നു.
മറ്റ് മല്‍സരങ്ങളില്‍ നിലവിലെ ലോക ഒന്നാം നമ്പര്‍ ആഷ്‌ലി ബാര്‍ട്ടി അമേരിക്കയുടെ റിസ്‌കേയെ 6-3,1-6,6-4 ന് കീഴടക്കി ക്വാര്‍ട്ടറില്‍ കടന്നു. ആദ്യ രണ്ടു സെറ്റുകള്‍ ഇരുവരും സ്വന്തമാക്കിയപ്പോള്‍ നിര്‍ണ്ണായകമായ മൂന്നാം സെറ്റില്‍ 4-4ല്‍ നില്‍ക്കേ രണ്ടു തവണ സെര്‍വ് ബ്രേക്ക് ചെയ്താണ് ഓസ്‌ട്രേലിയന്‍ താരം ക്വാര്‍ട്ടര്‍ സ്ഥാനം ഉറപ്പിച്ചത്. മൂന്നാം മത്സരത്തില്‍ 7-ാം സീഡ് വിറ്റോവ ഗ്രീസിന്റെ മരിയാ സക്കാരിയെ 6-7, 6-3, 6-2ന് തോല്‍പ്പിച്ച് ക്വാര്‍ട്ടറിലെത്തി. ഇതിനിടെ ഓസ്‌ട്രേലിയന്‍ ഓപ്പണിന്റെ ചരിത്രത്തില്‍ ക്വാര്‍ട്ടറിലെത്തുന്ന ആദ്യ താരമായി ടുനീഷ്യയുടെ ഓനസ് ജാബ്വര്‍ മാറി. 27-ാം സീഡ് ചൈനയുടെ വാങ്ങിനെ 7-6, 6-1ന് തകര്‍ത്താണ് ജാബ്വര്‍ സ്വപ്‌നതുല്യ നേട്ടം കൈവരിച്ചത്.
