വാഷിംഗ്ടണ്: പാശ്ചാത്യ സംഗീതലോകത്തെ സൂപ്പര്സ്റ്റാറായ ലേഡി ഗാഗക്ക് വീണ്ടും സംഗീത ലോകത്തെ ഗ്രാമീ അവാര്ഡ് തിളക്കം. ഇത്തവണ ദൃശ്യമാധ്യമരംഗത്തിനായി എഴുതി, സംഗീതം നിര്വ്വഹിക്കുകയും പാടുകയും ചെയ്തതിനാണ് ലേഡി ഗാഗക്കും മറ്റ് മൂന്നുപേര്ക്കുമായി ഗ്രാമി ബഹുമതി സമര്പ്പിച്ചത് . ‘ഐ വില് നെവര് ലവ് എഗെയ്ന്’ എന്ന ഗീതത്തിനാണ് ബഹുമതി.
അഞ്ചിലേറെ നാമനിര്ദ്ദേശങ്ങളില് നിന്നാണ് പ്രധാന ബഹുമതി ലേഡി ഗാഗയെ തേടി എത്തിയത്. ബിഗ്ഗി ബിയോണ്സിന്റെ സ്പിരിറ്റ്, റാന്ഡി ന്യൂമാനും ക്രിസ് സറ്റെപ്പെല്ടണ് ടീമിന്റെ ദ ബല്ലാഡ് ഓഫ് ദ തോണ്സം കൗബോയ്, ഡോളി പാട്രണ് -ലിന്ഡ പെറിയുടെ ഗേള് ഇന് ദ മൂവീസ്, ടോം യോര്ക്കിന്റെ സസ്പിറിയം എന്നിവയാണ് കൂട്ടത്തില് മല്സരിച്ചത്.
33 കാരിയായ ലേഡി ഗാഗ കഴിഞ്ഞ വര്ഷവും ഗ്രാമി അവാര്ഡ് നേടിയിരുന്നു. പ്രസിദ്ധമായി തീര്ന്ന സ്റ്റാര് ഈസ് ബോണ് എന്ന ബാലെയിലെ ഷാലോ എന്ന സംഗീത ശില്പത്തിനാണ് ഗാഗക്കും കൂട്ടര്ക്കും അവാര്ഡ് കിട്ടിയത്.
