മലയാളത്തിലെ എക്കാലത്തെയും മികച്ച ചിത്രങ്ങളിലൊന്നായ ലൂസിഫറിന്റെ രണ്ടാംഭാഗം എമ്പുരാന് ഭരത് ഗോപിയ്ക്ക് സമര്പ്പിക്കുന്നുവെന്ന് പൃഥ്വിരാജ്. ഭരത് ഗോപിയുടെ 12 -ാം ചരമവാര്ഷികത്തോടനുബന്ധിച്ച് പൃഥ്വിരാജ് എഴുതിയ കുറിപ്പിലാണ് ഇക്കാര്യം വ്യക്തമാക്കിയത്.
മലയാളത്തിലെ മഹാനടന്മാരില് ഒരാള്. തമ്മില് കണ്ടുമുട്ടിയ സമയത്ത് ഒരിക്കല് പോലും എനിക്കറിയില്ലായിരുന്നു അദ്ദേഹത്തിന്റെ മകനുമായി ഇത്ര അടുപ്പമുള്ള ഒരു ബന്ധമുണ്ടാകുമെന്ന്. സഹോദരമാര് എന്നതിലുപരി എഴുത്തുകാരനും സംവിധായകനും എന്ന നിലയില് അടുത്തറിയാവുന്നവരാണ് തങ്ങള്. എമ്പുരാന് നിങ്ങള്ക്ക് വേണ്ടിയുള്ളതാണ് അങ്കിള്. പൃഥ്വിരാജ് കുറിച്ചു.
പൃഥിരാജ് ആദ്യമായി സംവിധാനം നിര്വ്വഹിച്ച ലൂസിഫറിന്റെ തിരക്കഥ രചിച്ചത് ഭരത് ഗോപിയുടെ മകന് മുരളീ ഗോപിയാണ്. ചിത്രത്തിന്റെ രണ്ടാംഭാഗമായ എമ്പുരാന് തിരക്കഥയൊരുക്കുന്നതും മുരളീ ഗോപി തന്നെയാണ്.
2019 ഏറ്റവും വലിയ ഹിറ്റായിരുന്നു ലൂസിഫര്. 200 കോടി ക്ലബ്ലില് ഇടം നേടിയ ചിത്രം മലയാളത്തിലെ ഏറ്റവും കളക്ഷന് നേടിയ ചിത്രമാണ്. ചിത്രത്തിന്റെ രണ്ടാംഭാഗത്തിനായുള്ള കാത്തിരിപ്പിലാണ് ആരാധകര്.
One of the greatest actors to have lived. Little did I know during the times we met, that his son and I would grow up to…
Posted by Prithviraj Sukumaran on Tuesday, January 28, 2020