ഹാമില്ട്ടണ്: ഇന്ത്യയെ ചെറിയസ്കോറിന് തോല്പ്പിച്ചതിന് അതേനാണയത്തില് തിരിച്ചടി. ടെസ്ററിന് മുമ്പുള്ള ത്രിദിന മത്സരത്തില് ന്യൂസിലാന്റ് ഇലവനെ 235നാണ് ഇന്ത്യ രണ്ടാം ദിനത്തില് പുറത്താക്കിയത്. ബുംറ, ഷമി, ഉമേഷ് യാദവ് സെയ്നി എന്നിവര് ചേര്ന്ന് ആതിഥേയരെ 235ല് ഒതുക്കി.
ഏകദിനത്തിനേക്കാള് മികച്ച രീതിയിലാണ് ഇന്ത്യന് ബൗളര് കിവികളെ നേരിട്ടത്. കഴിഞ്ഞ ഏകദിനങ്ങളിലെ വിക്കറ്റ് ക്ഷാമം തീര്ക്കുന്ന തരത്തിലാണ് ബുംറ പന്തെറിഞ്ഞത്. ടി20യില് തകര്പ്പന് പ്രകടനം നടത്തിയ ഷമി വിശ്രമത്തിന് ശേഷമുള്ള മടങ്ങിവരവ് ഗംഭീരമാക്കി. 10 ഓവറില് വെറും 17 റണ്സ് മാത്രം നല്കിയാണ് ഷമി 3 വിക്കറ്റുകള് വീഴ്ത്തിയത്. ബുംറ 11 ഓവറില് 18 റണ്സിന് 2 വിക്കറ്റും വീഴ്ത്തി.
ഇന്ത്യയുടെ ആദ്യ ഇന്നിംഗ്സ് സ്ക്കോറായ 263നെതിരെ ബാറ്റിംഗാരംഭിച്ച ന്യൂസിലാന്റ് ഇലവനെ ഓപ്പണര് വില് യംഗ്(2) ഫെര്ട്ട്(9) എന്നിവരടക്കം 4 പേര് 82 റണ്സിനുള്ളില് പുറത്തായി. ഇന്ത്യന് വംശജന് ഓപ്പണര് രവീന്ദ്ര(34) മാത്രമാണ് മുന്നിരയില് പിടിച്ചുനിന്നത്. എന്നാല് പതുക്കെ മധ്യനിര താളം കണ്ടെത്തി. കൂപ്പര്(20) ബ്രൂസ്(31), നായകന് മിച്ചല്(32) എന്നിവരാണ് ഭേദപ്പെട്ട സ്ക്കോറിലേക്ക് എത്തിച്ചത്. നിഷാം ഒരു റണ്സിന് പുറത്തായതും കിവികള്ക്ക് വിനയായി. അവസാന വിവരം കിട്ടുമ്പോള് ഇന്ത്യ രണ്ടാം ഇന്നിംഗ്സില് പൃഥ്വീ ഷാ(35), മായങ്ക് അഗര്വാള്(23) എന്നിവരുടെ കരുതലാര്ന്ന ബാറ്റിംഗില് വിക്കറ്റുകള് നഷ്ടമാകാതെ 58 റണ്സ് നേടി നില്ക്കുകയാണ്.