ന്യൂഡല്ഹി: ഇന്ത്യയുടെ ആഭ്യന്തര-രാജ്യാന്തര സുരക്ഷക്കായി സംയുക്തസൈനിക കേന്ദ്രം ജമ്മുകശ്മീരില് ഉടന് സജ്ജമാകുമെന്ന് കരസേനാ മേധാവി. രാജ്യത്തിന്റെ പ്രതിരോധസേനകളുടെ പ്രധാന യൂണിറ്റ് സര്വ്വവിധ സജ്ജീകരണത്തോടെ ഒരുങ്ങുകയാണ്.
‘സുരക്ഷ എങ്ങിനെയാകണമെന്നതിനുള്ള മാര്ഗ്ഗരേഖ തയ്യാറായിക്കഴിഞ്ഞു. പ്രധാന സ്ഥാനങ്ങളും തീരുമാനിച്ചു. ആയുധങ്ങളും വാഹനങ്ങളും എവിടെയാണ് കേന്ദ്രീകരിക്കുക എന്നതും തീരുമാനമായി വരുന്നു’ കരസേനാ മേധാവി ജനറല് എംഎം നരവാനേ സൂചിപ്പിച്ചു.
2022ഓടെ കരസേനയുടെ പ്രത്യേക സംവിധാനങ്ങള് രാജ്യത്തിന്റെ വിവിധ കേന്ദ്രങ്ങളിലൊരുങ്ങുമെന്ന് സംയുക്ത സൈനിക മേധാവി ജനറല് ബിപിന് റാവത് കഴിഞ്ഞമാസം സൂചിപ്പിച്ചിരുന്നു.
