ബേണ്: റോജര് ഫെഡറര് ഫ്രഞ്ച് ഓപ്പണില് നിന്നും പിന്മാറി. വലതു കാല്മുട്ടിന് ശസ്ത്രക്രിയ നടത്താനൊരുങ്ങുന്നതിനാലാണ് പിന്മാറ്റം. മൂന്നുമാസത്തിലധികം സമയം പ്രമുഖ ഗ്രാന്ഡ്സ്ലാമടക്കം നിരവധി ടൂര്ണ്ണമെന്റുകള് ഫെഡറര്ക്ക് നഷ്ടമാകും. സ്വന്തം ട്വിറ്ററിലൂടെ ഫെഡറര് തന്നെയാണ് കാലിന്റെ പരിക്കും വേദനയും സൂചിപ്പിച്ചിട്ടുള്ളത്.
ഉടന് ആശുപത്രിയില് പ്രവേശിക്കാന് പോവുകയാണെന്ന് സൂചിപ്പിക്കുന്ന ട്വീറ്റില് വരാനിരിക്കുന്ന ദുബായ് ഓപ്പണ്, ഇന്ത്യാ വെല്സ്,ബൊഗോട്ടാ, മിയാമി, ഫ്രഞ്ച് ഓപ്പണ് എന്നിവയടക്കം പ്രമുഖ ടൂര്ണ്ണമെന്റുകളില് കളിക്കാനാകില്ലെന്നാണ് പറഞ്ഞിരിക്കുന്നത്.
20 തവണ ഗ്രാന്ഡ്സ്ലാം കിരീട ജേതാവായ ഫെഡറര് കഴിഞ്ഞ ഓസ്ട്രേലിയന് ഓപ്പണിന്റെ സെമി ഫൈനലില് നൊവാക് ജോക്കോവിച്ചിനോട് തോറ്റാണ് പുറത്തായത്. ഇനി ഫെഡററിനുള്ള അവസരം തന്റെ പ്രീയപ്പെട്ട വിംബിള്ഡണാണ്.