ചെന്നൈ: കമലഹാസന് നായകനാകുന്ന ഇന്ത്യന് 2 സിനിമയുടെ ഷൂട്ടിംഗ് ലൊക്കേഷനില് ക്രെയിന് മറിഞ്ഞ് ഉണ്ടായ അപകടത്തില് മരിച്ചവരുടെ കുടുംബത്തിന് ഒരു കോടി രൂപ വീതം നല്കുമെന്ന് സംവിധായകന് ശങ്കര്. ഒരു സഹായവും ജീവന് പകരമാകില്ലെന്നും ശങ്കര് പറഞ്ഞു.
ഫെബ്രുവരി 19 നാണ് ഇന്ത്യന് 2 ഷൂട്ടിംഗ് ലൊക്കേഷനില് ക്രെയിന് മറിഞ്ഞ് അപകടമുണ്ടാകുന്നത്. അപകടത്തില് മൂന്ന് പേര് മരിക്കുകയും പത്തോളം പേര്ക്ക് പരിക്കേല്ക്കുകയും ചെയ്തിരുന്നു.
ശങ്കറിന്റെ സഹസംവിധായകന് കൃഷ്ണ, ആര്ട്ട് അസിസ്റ്റന്റ് ചന്ദ്രന്, പ്രൊഡക്ഷന് അസിസ്റ്റന്റ് മധു എന്നിവരാണ് അപകടത്തില് മരണപ്പെട്ടത്. ക്രെയിന് ഉപയോഗിച്ച് നടത്തേണ്ട ഒരു സീനിന്റെ ചിത്രീകരണത്തിനായുള്ള തയ്യാറെടുപ്പിനിടെയാണ് അപകടമുണ്ടാകുന്നത്. സംവിധായകന് ശങ്കറിനും അപകടത്തില് പരിക്കേറ്റിരുന്നു. അപകട സമയത്ത് കമല് ഹാസന്, കാജല് അഗര്വാള് എന്നിവരും സംഭവ സ്ഥലത്ത് ഉണ്ടായിരുന്നു.