സിഡ്നി: ടി20 ലോകകപ്പില് ആവേശം വാരിവിതറുന്ന ടീം ഇന്ത്യക്ക് ഇന്ന് നിര്ണ്ണായക ദിനം. ആദ്യ സെമിഫൈനലില് ഇന്ത്യ നാളെ ഇംഗ്ലണ്ടിനെ നേരിടും. സിഡ്നിയിലെ പ്രസിദ്ധമായ ക്രിക്കറ്റ് സ്റ്റേഡിയത്തിലാണ് മത്സരം. ടി20 ചരിത്രത്തിലിന്നുവരെ സെമിക്കപ്പുറം പോകാന് സാധിക്കാത്ത ടീംഇന്ത്യക്ക് ഇത്തവണ ഏറ്റവും കൂടുതല് കിരീട സാധ്യതയാണ് കല്പ്പി ക്കുന്നത്.കഴിഞ്ഞ തവണ തോല്പ്പിച്ച ഇംഗ്ലണ്ടുതന്നെയാണ് ഇത്തവണയും എതിരാളി കളെന്നത് ഹര്മന്പ്രീതിനേയും കൂട്ടരേയും ഒട്ടും അലട്ടുന്നില്ല.
രണ്ടാം സെമിയില് നിലവിലെ ചാമ്പ്യന്മാരായ ഓസ്ട്രേലിയ ദക്ഷിണാഫ്രിക്കയുമായി ഏറ്റുമുട്ടും. മഴ പലപ്പോഴും വില്ലനായി മാറുന്നത് തെല്ല് ആശങ്കയോടെയാണ് ക്രിക്കറ്റ് പ്രേമികള് നോക്കുന്നത്. മഴ ഏത്രനേരം കളിമുടക്കിയാലും 5 ഓവറുകള് വീതം ഇരുടീമുകളും കളിച്ചാല് ടി20 ആയി പരിഗണിക്കാറുണ്ട്. എന്നാല് ഐസിസി നിയമപ്രകാരം 10 ഓവറുകള് വീതം കളിക്കണം. അല്ലെങ്കില് മഴകൊണ്ടുപോയതായി പരിഗണിക്കും. എന്നാല് ഇത്തവണ സ്ഥിതി ഇന്ത്യക്കും ദക്ഷിണാഫ്രിക്കക്കും അനുകൂലമാകും. മഴ കളിമുടക്കിയാല് ഗ്രൂപ്പ് ചാമ്പ്യന്മാരായവര് ഫൈനല് കളിക്കണമെന്നാണ് നിയമം.ഇന്ത്യയും ദക്ഷിണാഫ്രിക്കയും ഗ്രൂപ്പ് ചാമ്പ്യന്മാരായാണ് സെമിയില് കടന്നിരിക്കുന്നത്.
ബാറ്റിംഗില് ലോക ഒന്നാം നമ്പറായി മാറിയ 16 വയസ്സുകാരി ഷെഫാലി വെര്മയിലും ബൗളിംഗിലെ താരം പൂനം യാദവിലുമാണ് ഇന്ത്യയുടെ പ്രതീക്ഷ.
