ചെന്നൈ: അരുണാചല് പ്രദേശിന്റെ കരസേനാ ചരിത്രത്തില് രണ്ടാമത്തെ വനിതയായി ഇപുപു മീന ശ്രദ്ധനേടുന്നു. അരുണാചല് പ്രദേശില് നിന്നും കരസേനയുടെ ഭാഗമായി മാറിയിരിക്കുന്ന ഇപുപു മീന തനി ഗ്രാമീണ മേഖലയില്നിന്നും ഉയര്ന്നുവന്ന പെണ്കുട്ടിയാണ. അരുണാചലിലെ ഇദു മിഷ്മി സമൂഹ ത്തില്പെട്ട അംഗമാണ് ഇപുപു . കരസേനയുടെ ഷോര്ട്ട് സര്വ്വീസ് കമ്മീഷന് വുമണ് പരീക്ഷയില് ഉയര്ന്ന മാര്ക്കുവാങ്ങിയാണ് ഇപുപു ചെന്നൈയില് പരിശീലനം പൂര്ത്തിയാ ക്കിയത്. 11 മാസത്തെ കഠിനപരിശീലനത്തിന് ശേഷമാണ് ലെഫ്റ്റനന്റ് പദവി ലഭിച്ചിരി ക്കുന്നത്.
‘ഒരു പെണ്കുട്ടിക്ക് ചെയ്യാന് സാധിക്കാത്തതായി ഒന്നുമില്ല. അതുപോലെ അത് നിനക്ക് ചെയ്യാനാകില്ല എന്ന നിലയില് ആരെക്കൊണ്ടും പറയിക്കാനാകാത്തവിധം ശക്തമായ വ്യക്തിത്വമാവുകയാണ് ലക്ഷ്യം’ ഇപുപു പറഞ്ഞു. എം.ടെക് ബിരുദാനന്തര ബിരുദം എന്ഐടി ജാംഷെഡ്പൂരില് നിന്ന് നേടിയ ശേഷമാണ് ഇപുപു കരസേനയുടെ ഭാഗമായിരിക്കുന്നത്.
തന്റെ മകള് രാജ്യത്തിനും സംസ്ഥാനത്തിനും അഭിമാനമാണ്. താന് മകളെ സാധാരണ സ്ക്കൂളിലാണ് പഠിപ്പിച്ചത്. മകളെ നാട്ടിലെ എല്ലാ പുഴകളിലും നീന്തല്പരിശീലിപ്പിച്ചാണ് വളര്ത്തിയത്. സ്വന്തം നാട്ടിലെ കുതിരപ്പുറത്ത് നേടിയ പരിശീലനവും സേനയില് ചേരാന് പ്രചോദനമായതായി ഇപുപുവിന്റെ അച്ഛനായ കോതിഗേ മീന വ്യക്തമാക്കി.മേജര് പൊനൂംഗ് ഡോമിംഗാണ് അരുണാചല് പ്രദേശില് നിന്നും കരസേനയുടെ ഭാഗമായി ആദ്യമായി മാറിയ വനിത.
