രാജ്കോട്ട്: രഞ്ജി ട്രോഫി ഫൈനലില് സൗരാഷ്ട്രക്കെതിരെ ബംഗാള് തിരിച്ചടിക്കുന്നു. നാലാം ദിനം കളി നിര്ത്തുമ്പോള് ബംഗാള് 6 വിക്കറ്റ് നഷ്ടത്തില് 354 എന്ന ശക്തമായ നിലയിലാണ്. സൗരാഷ്ട്രയുടെ ആദ്യ ഇന്നിംഗ്സ് സ്കോറായ 425നേക്കാള് കേവലം 71 റണ്സ് മാത്രം പുറകിലാണ് ബംഗാള്. കളിനിര്ത്തുമ്പോള് അര്ദ്ധസെഞ്ച്വറി നേടിയ(58) അന്സ്തുപ് മജൂംദാരും അര്നാബ് നന്ദി(28)യുമാണ് ക്രീസ്സില്.
സുദീപ് ചാറ്റര്ജി(81) മനോജ് തിവാരി(35) വൃദ്ധിമാന് സാഹ(64) എന്നിവര് മധ്യനിരയില് നിലയുറപ്പിച്ചതോടെയാണ് സൗരാഷ്ട്രയുടെ മേല്കൈ നഷ്ടമായത്. സുദീപ് ചാറ്റര്ജിയും വൃദ്ധിമാന്സാഹയും നാലാം വിക്കറ്റില് ഉണ്ടാക്കിയ 101 റണ്സിന്റെ സെഞ്ച്വറി കൂട്ടുകെട്ടാണ് ബംഗാളിന് ശക്തമായ സ്കോര് സമ്മാനിച്ചത്. 7-ാം വിക്കറ്റില് മജൂംദാറും അര്നാബ് നന്ദിയും ഇതുവരെ 91 റണ്സിന്റെ കൂട്ടുകെട്ട് ഉണ്ടാക്കിക്കഴിഞ്ഞു. സൗരാഷ്ട്രക്ക് വേണ്ടി പ്രേരക് മങ്കാദും ധര്മ്മേന്ദ്ര ജഡേജയും 2 വിക്കറ്റുകളും നേടി.
