കൊച്ചി: ലോകമെങ്ങും കോവിഡ് 19 ന്റെ ആശങ്കയിലാണ്. തങ്ങളാലാവുന്ന പ്രതിരോധ പ്രവർത്തനങ്ങൾ ചെയ്യാൻ വിവിധ സർക്കാരുകൾ പൊതുജനങ്ങൾക്ക് നിർദ്ദേശം നൽകിയിട്ടുണ്ട്. ഇപ്പോഴിതാ കോവിഡിനെതിരായ പോരാട്ടത്തിൽ പങ്കാളിയായിരിക്കുകയാണ് മോഹൻലാൽ. കോവിഡിനെ സംബന്ധിച്ചുള്ള ലാലിന്റെ ചോദ്യത്തിന് ഡോക്ടർ ഉത്തരം നൽകുന്ന വീഡിയോ അദ്ദേഹം തന്റെ സാമൂഹികമാദ്ധ്യമങ്ങളിലൂടെ പുറത്തുവിട്ടിട്ടുണ്ട്.
ഭീതി വേണ്ട, മുന്കരുതല് സ്വീകരിച്ചാല് മതിയെന്നാണ് വീഡിയോ പൊതുജനങ്ങൾക്ക് നല്കുന്ന സന്ദേശം. കൊവിഡ് 19നുമായി ബന്ധപ്പെട്ട് മോഹന്ലാലിന്റെ ചോദ്യങ്ങള്ക്ക് എറണാകുളം മെഡിക്കല് കോളേജിലെ കൊറോണ കണ്ട്രോള് നോഡല് ഓഫീസറും ശ്വാസകോശരോഗ വിഭാഗം മേധാവിയുമായ ഡോക്ടര് ഫത്താഹുദീനാണ് മറുപടി നല്കുന്നത്.
കോവിഡ് വൈറസ് പകരുന്നതെങ്ങനെ, എടുക്കേണ്ട മുൻകരുതലുകൾ എന്തൊക്കെ, ശരീരത്തിൽ നിന്ന് പൂർണമായി ഇല്ലാതാക്കാനാവുമോ തുടങ്ങി മോഹൻലാലിന്റെ നിരവധി സംശയങ്ങൾ ഡോക്ടർ മറുപടി നൽകുന്നുണ്ട്.