ബേണ്‍ : കോറോണ ബാധിതര്‍ക്ക് കൈത്താങ്ങായി റോജര്‍ ഫെഡററും. കൊറോണാ ബാധിതരേയും കുടുംബങ്ങളേയും ഒരു കാരണവശാലും ഒറ്റപ്പെടുത്തരുതെന്ന് സന്ദേശമാണ് ടെന്നീസ് ഇതിഹാസമായ റോജര്‍ ഫെഡറര്‍ നല്‍കുന്നത്. സമൂഹമാദ്ധ്യമത്തിലൂടെ ഫെഡറരും ഭാര്യ മിര്‍ക്കയും ഒരുമിച്ചുള്ള ചിത്രമെടുത്തുകൊണ്ടാണ് വിശദമായ സന്ദേശം പ്രചരിപ്പിച്ചത്.
— Roger Federer (@rogerfederer) March 25, 2020
‘എല്ലാവര്‍ക്കും ഇത് വെല്ലുവിളി നിറഞ്ഞകാലമാണ്. ആരേയും പിന്നിലാക്കിയല്ല നമ്മള്‍ നീങ്ങേണ്ടത്. താനും മിര്‍ക്കയും ചേര്‍ന്ന് സ്വിറ്റ്‌സര്‍ലാന്റിലെ കാറോണ ബാധിതര്‍ക്കായി ഒരു മില്ല്യണ്‍ സ്വിസ് ഫ്രാങ്ക്( ഏഴരക്കോടിയോളം ഇന്ത്യന്‍ രൂപ) സംഭാവന ചെയ്യുകയാണ്’ ഫെഡറര്‍ ട്വിറ്ററിലൂടെ പറഞ്ഞു
‘ തങ്ങളുടെ സംഭാവന ഒരു തുടക്കം മാത്രമാണ്. മറ്റുള്ള കുടുംബങ്ങളും തങ്ങള്‍ക്കൊപ്പം ചേരുമെന്നും ഉറപ്പുണ്ട്. ഒരുമിച്ച് നമുക്ക് നേരിടാം. എല്ലാവരും ആരോഗ്യത്തോടെ ഇരിക്കുക’ ഫെഡറര്‍ കൂട്ടിച്ചേര്‍ത്തു.
ഇടക്കാലത്ത് കാല്‍മുട്ടിലെ പരിക്കുമൂലം കളിക്കളത്തില്‍ നിന്നും മാറി നിന്ന ഫെഡറര്‍ മെയ്മാസം നടക്കാനിരുന്ന ഫ്രഞ്ച് ഓപ്പണില്‍ കളിക്കുന്നതില്‍ നിന്നും പിന്മാറിയിരുന്നു. നിലവില്‍ 8000 പേര്‍ക്കാണ് സ്വിറ്റ്‌സര്‍ലാന്റില്‍ കൊറോണ ബാധിച്ചിരിക്കുന്നത്.
