ന്യൂഡല്ഹി: ആശുപത്രിയിലെത്താന് ആംബുലന്സ് ലഭിക്കാതെ വലഞ്ഞ ഗര്ഭിണിയെ ആശുപത്രിയിലെത്തിച്ച് പൊലീസ് ഉദ്യോഗസ്ഥന്. ഡല്ഹിയിലെ പൊലീസ് ഉദ്യോഗസ്ഥനായ ദയാവീര് സിംഗ് ആണ് യുവതിയ്ക്ക് സഹായം നല്കിയത്. പൊലീസ് ഉദ്യോഗസ്ഥനോടുള്ള ആദര സൂചകമായി നവജാത ശിശുവിന് തന്നെ സഹായിച്ച പൊലീസ് ഉദ്യോഗസ്ഥന്റെ പേര് നല്കിയിരിക്കുകയാണ് യുവതിയും കുടുംബവും.
പൂര്ണ ഗര്ഭിണിയായ യുവതിയെ ആശുപത്രിയിലെത്തിക്കാന് ആംബുലന്സ് ലഭിക്കാതെ വന്നതോടെയാണ് വീട്ടുകാര് പൊലീസിന്റെ സഹായം തേടിയത്. വിവരം അറിഞ്ഞ് പത്ത് മിനിറ്റിന് ഉള്ളില് തന്നെ പൊലീസ് ഉദ്യോഗസ്ഥനായ ദയാവീര് സിംഗ് സ്ഥലത്തെത്തിയെന്നും സ്വന്തം കാറില് യുവതിയെ ഉടന് ആശുപത്രിയിലെത്തിച്ചെന്നും കുടുംബാംഗങ്ങള് പറയുന്നു. കൊറോണ പ്രതിരോധത്തിനായി രാജ്യത്ത് ലോക്ക് ഡൗണ് പ്രഖ്യാപിച്ചിരിക്കുന്നതിനാല് മറ്റ് വാഹനങ്ങള് ലഭിക്കാതിരുന്നതിനാലാണ് അദ്ദേഹം സ്വന്തം കാറുമായെത്തി യുവതിയെ ആശുപത്രിയിലെത്തിച്ചത്.
കൊറോണയ്ക്ക് എതിരെയുള്ള പോരാട്ടത്തില് സജീവമായി പങ്കെടുക്കുന്നവരാണ് ഡല്ഹി പൊലീസെന്നും ജനങ്ങള്ക്ക് ആവശ്യം നിറവേറ്റാന് സദാ സന്നദ്ധരാണെന്നും അശോക് വിഹാര് പൊലീസ് സ്റ്റേഷന് എസ് എച്ച് ഒ ആരതി ശര്മ്മ വ്യക്തമാക്കി.
