ന്യൂഡല്ഹി: രാജ്യത്ത് കൊറോണ വൈറസ് വ്യാപനം തുടരുന്ന സാഹചര്യത്തില് ദേശീയ ചലച്ചിത്ര പുരസ്കാര പ്രഖ്യാപനം വൈകും. കഴിഞ്ഞ വര്ഷത്തെ ജൂറി ചെയര്മാനായിരുന്ന സംവിധായകനും നിര്മ്മാതാവുമായ രാഹുല് റവൈലാണ് ഇക്കാര്യം വ്യക്തമാക്കിയത്.
നിലവിലെ സാഹചര്യത്തില് ജൂറി അംഗങ്ങള് ഒന്നിച്ചു കൂടുന്നതും സിനിമ കാണുന്നതും പുരസ്കാരം നിര്ണയിക്കുന്നതും പ്രായോഗികമല്ലെന്ന് അദ്ദേഹം മാദ്ധ്യമങ്ങളോട് പറഞ്ഞു. മെയ് 3 നാണ് ദേശീയ ചലച്ചിത്ര പുരസ്ക്കാരം പ്രഖ്യാപിക്കേണ്ടിയിരുന്നത്. കൊറോണ ബാധയും ലോക്ക് ഡൗണും തുടരുന്നതിനാല് പുരസ്ക്കാര പ്രഖ്യാപനം അനിശ്ചിതമായി നീളുമെന്നാണ് റിപ്പോര്ട്ടുകള്.
ഗോവ രാജ്യാന്തര ചലച്ചിത്ര മേളയും തിരുവനന്തപുരം അന്താരാഷ്ട്ര മേളയും നടക്കാന് സാധ്യതയില്ലെന്നാണ് സൂചനകള്. ചലച്ചിത്ര മേളയുടെ ജോലികള് മാസങ്ങള്ക്ക് മുന്പേ ആരംഭിക്കേണ്ടതുണ്ട് നിലവിലെ സാഹചര്യത്തില് അതിന് സാധ്യമല്ല. സാമ്പത്തിക ബുദ്ധിമുട്ടുകളും ചലച്ചിത്ര മേളകള് ഉപേക്ഷിക്കാന് കാരണമായേക്കുമെന്നാണ് റിപ്പോര്ട്ടുകള്.