ന്യുഡല്ഹി: രാഹുല് ഗാന്ധി ചിദംബരത്തിന്റെയടുത്ത് ട്യൂഷന് പോകുന്നത് നല്ലതായിരിക്കുമെന്ന് കേന്ദ്രമന്ത്രി പ്രകാശ് ജാവ്ദേക്കര്. പ്രധാനമന്ത്രി നരേന്ദ്രമോദിക്കെതിരെ രാഹുല് ഗാന്ധി നടത്തിയ പരാമര്ശത്തിലാണ് കേന്ദ്രമന്ത്രിയുടെ മറുപടി.ട്വിറ്ററിലൂടെയാണ് കോണ്ഗ്രസ്സ് നേതാവിന്റെ അറിവില്ലായ്മയെ ജാവ്ദേക്കര് പരിഹസിച്ചത്.
.@RahulGandhi should take tuition from @PChidambaram_IN on the difference between "write off" and "waive off". @narendramodi govt has not waived off any loan. "Write off" is a normal accounting process. It doesn't stop recovery or action against defaults. pic.twitter.com/0z2jaiEJku
— Prakash Javadekar (@PrakashJavdekar) April 29, 2020
‘ രാഹുല് പി.ചിദംബരത്തിന്റെയടുത്ത് ട്യൂഷന് പോകുന്നതാണ് നല്ലത്. കാരണം റൈറ്റ് ഓഫ് എന്നതിന്റേയും വേയ്വ് ഓഫ് എന്നതിന്റേയും വ്യത്യാസം ആദ്യം തിരിച്ചറിയണം. നരേന്ദ്രമോദി സര്ക്കാര് ഒരു കടവും വെയ്വ്ഡ് ഓഫാക്കിയിട്ടില്ല. റൈറ്റ് ഓഫ് എന്ന എഴുതി തള്ളല് സാമ്പത്തിക എഴുത്തുകുത്തുകളിലെ സാമാന്യ നടപടി മാത്രമാണ്. അത് ചെയ്യുക വഴി ഒരാളുടെ കടം തിരികെ പിടിക്കില്ല എന്ന വ്യവസ്ഥയില്ല’ ട്വിറ്ററിലൂടെ ജാവ്ദേക്കര് ചൂണ്ടിക്കാട്ടി.
നിലവിലുള്ള നിക്ഷേപകര്ക്കും കടമെടുപ്പുകാര്ക്കും ബാങ്കിന്റെ യഥാര്ത്ഥ അവസ്ഥ എന്താണെന്ന് കാണിച്ചുകൊടുക്കുന്ന നടപടി മാത്രമാണ് റൈറ്റ് ഓഫ് എന്ന നടപടി. ഇതുമൂലം ഒരാളുടെ കടം തിരികെപിടിക്കില്ല എന്ന വ്യവസ്ഥയില്ല. നിലവില് നീരവ് മോദിയുടെ ആസ്തികള് കണ്ടുകെട്ടുകയും ലേലം ചെയ്യുകയും ചെയ്തു കഴിഞ്ഞു. മല്ല്യക്കും ഇനി ഹൈക്കോടതി വിധി എതിരായതിനാല് മറ്റു മാര്ഗ്ഗങ്ങളില്ലെന്നും കേന്ദ്രമന്ത്രി വ്യക്തമാക്കി. നേരത്തേ ധനകാര്യമന്ത്രി നിര്മ്മല സീതാരാമനും രാഹുല് കാര്യമറിയാതെ പൊതു സമൂഹത്തെ തെറ്റിദ്ധരിപ്പിക്കുന്ന പ്രസ്താവനകള് നടത്തുകയാണെന്നും പറഞ്ഞ് രംഗത്തെത്തിയിരുന്നു
