മീറഠ്: ഉത്തര് പ്രദേശിലെ സഹറന്പൂര് നിവാസികള് രണ്ടുദിവസമായി ഒരു ദൃശ്യം കണ്ട് പുണ്യം നേടുകയാണ്. പര്വ്വതരാജനായ ഹിമാലയം അതിരാവിലെ ഉദയസൂര്യന്റെ പ്രകാശ ത്താല് തിളങ്ങി നില്ക്കുന്ന ദൃശ്യമാണ് മീറഠിലേയും സഹറന്പൂരിലേയും ജനങ്ങള് കാണുന്നത്. 200 കിലോ മീറ്റര് അകലെയുള്ള ഹിമാലയത്തിലെ ഗംഗോത്രിയുടെ അഗ്ര ഭാഗമാണ് നന്നായി കാണാന് കഴിയുന്നത്. കഴിഞ്ഞ മുപ്പതുവര്ഷങ്ങളായി ഇങ്ങനെയൊരു സൗഭാഗ്യം ഉണ്ടായിട്ടില്ലെന്നാണ് പ്രദേശവാസികള് പറയുന്നത്.
നഗരങ്ങളിലെ കനത്ത അന്തരീക്ഷ മലിനീകരണം അതിരാവിലേയും തുടരുന്നതിനാല് ഒരിക്കല് പോലും ഹിമാലയം തങ്ങളുടെ നാട്ടില് നിന്നും കാണാനായിട്ടില്ലെന്നാണ് സഹറന്പൂരിലെ യുവാക്കള് സാക്ഷ്യപ്പെടുത്തുന്നത്. ലോക്ഡൗണിന് തലേദിവസം വരെ അന്തരീക്ഷത്തിലെ പൊടിപടലങ്ങളുടെ തോത് 300 എക്യൂഐ ആയിരുന്നത് നിലവില് 50ന് താഴെ എത്തിയതായാണ് റിപ്പോര്ട്ട്. എന്നാല് പ്രായമായവര്ക്ക് മുപ്പത് വര്ഷം മുമ്പ് ഹിമാലയത്തെ ചില സമയങ്ങളില് കാണാനാകുമായിരുന്നു. ലോക്ഡൗണില് വ്യവസായ ശാലകള് അടച്ചുപൂട്ടിയതും വാഹനങ്ങള് നന്നേ കുറഞ്ഞതും ഡല്ഹി, മീറഠ്, സഹറന്പൂര്. ആഗ്ര, നോയിഡ തുടങ്ങിയ വ്യവസായ നഗരത്തിലെ അന്തരീക്ഷം അതിശയകരമായി രീതിയില് ശുദ്ധീകരിക്കപ്പെട്ടതായി കാലാവസ്ഥാ നിരീക്ഷകരും സാക്ഷ്യപ്പെടുത്തുന്നു. ഹിമാചലിലെ മസൂറിയില് നിന്നുമാത്രം കാണാന് സാധിച്ചിരുന്ന ദൃശ്യമാണ് പ്രദേശ വാസികള് ക്യാമറയിലാക്കിയും പൂജനടത്തിയും ആഘോഷിക്കുന്നത്.
