ചിക്കാഗോ: ലോകത്ത് കൊറോണാ മരണനിരക്ക് മൂന്നുലക്ഷം കടന്നതായി ലോകാരോഗ്യ സംഘടന. കൊറോണ ബാധിതരുടെ എണ്ണം 45 ലക്ഷം കടന്നിരിക്കുകയാണ്.
അമേരിക്കയിലാണ് നാലിലൊന്ന് മരണങ്ങളും റിപ്പോര്ട്ട് ചെയ്യപ്പെട്ടത്. അമേരിക്കയില് മരണം 85000 ആയിക്കഴിഞ്ഞു. മറ്റ് രാജ്യങ്ങളുടെ കാര്യത്തില് 11 ശതമാനത്തിലേറെ മരണനിരക്ക് രേഖപ്പെടുത്തിയിരിക്കുന്നത് ബ്രിട്ടണിലും ഇറ്റലിയിലുമാണ്. തൊട്ടു പുറകിലായി ഫ്രാന്സും സ്പെയിനും 9 ശതമാനത്തിലേറെ മരണനിരക്ക് രേഖപ്പെടുത്തിക്കഴിഞ്ഞു.
കൊറോണ രോഗബാധയില് മരിച്ചവരുടെ അനുപാതം ഏറ്റവും കൂടുതല് പേര് മരിക്കുന്ന മലേറിയയ്ക്ക് സമാനമായിരിക്കുകയാണ്. 1918ല് ലോകത്തെ ഗ്രസിച്ച സ്പാനിഷ് ഫ്്ലൂവിന്റെ കണക്കിലേക്ക് കൊറോണ ബാധയും എത്തിക്കൊണ്ടിരിക്കുന്നതായാണ് റിപ്പോര്ട്ട്. 50 ലക്ഷം പേര്ക്കാണ് സ്പാനിഷ് ഫ്ലൂ ബാധിച്ചത്. 5 ലക്ഷം പേര് മരിക്കുകയും ചെയ്തിരുന്നു.
ആദ്യ കൊറോണ കേസ് ചൈനയില് ഔദ്യോഗികമായി രേഖപ്പെടുത്തിയിട്ട് 91 ദിവസം കഴിഞ്ഞപ്പോഴാണ് മരണസംഖ്യ ഒരു ലക്ഷമായത്. എന്നാല് തൊട്ടടുത്ത 16 ദിവസം കൊണ്ട് അത് നേരെ ഇരട്ടിയായി. പിന്നീടുള്ള 19 ദിവസം കൊണ്ട് 3ലക്ഷത്തിലേക്കും എത്തിയതായി അന്താരാഷ്ട്ര മാദ്ധ്യമങ്ങള് പറയുന്നു.
