ലോക്ക് ഡൗണില്‍ മേരികോമിന്റെ മകന് പിറന്നാള്‍ കേക്ക് എത്തിച്ചു നല്‍കി പൊലീസ് ഉദ്യോഗസ്ഥര്‍; വൈറലായി വീഡിയോ

ന്യൂഡൃല്‍ഹി: ബോക്‌സിംഗ് ചാമ്പ്യന്‍ മേരി കോമിന്റെ മകന് ബര്‍ത്ത്‌ഡേ സര്‍പ്രൈസുമായി ഡല്‍ഹി പൊലീസ്. മേരി കോമിന്റെ ഇളയ മകന്‍ പ്രിന്‍സ് കോമിനാണ് ഡല്‍ഹി പൊലീസ് പിറന്നാള്‍ കേക്ക് എത്തിച്ചത്.

തുഗ്ലക് റോഡ് പൊലീസ് സ്റ്റേഷനില്‍ നിന്നും എസിപി പ്രഗ്യാ തിവാരിയുടെ നേതൃത്വത്തിലാണ് പൊലീസ് ഉദ്യോഗസ്ഥര്‍ മേരി കോമിന്റെ വീട്ടിലെത്തിയത്. അപ്രതീക്ഷിതമായെത്തിയ പൊലീസ് സംഘം പ്രിന്‍സിനൊപ്പം കേക്ക് മുറിച്ച് ജന്മ ദിനാശംസകളും നേര്‍ന്ന ശേഷമാണ് മടങ്ങിയത്. പൊലീസ് ഉദ്യോഗസ്ഥരെത്തി കേക്ക് സമ്മാനിക്കുന്ന വീഡിയോ മേരി കോം ട്വിറ്ററിലൂടെ പങ്കുവെച്ചു. ഡല്‍ഹി പൊലീസിന് മേരി കോം നന്ദി അറിയിക്കുകയും ചെയ്തു. തന്റെ ഇളയ മകന്‍ പ്രിന്‍സ് കോമിന് അവിസ്മരണീയമായ ഒരു ജന്മദിനം സമ്മാനിച്ചതിന് ന്യൂഡല്‍ഹി ഡിസിപിയ്‌ക്ക് നന്ദിയെന്ന് മേരികോം ട്വിറ്ററില്‍ കുറിച്ചു. നിങ്ങളാണ് യഥാര്‍ത്ഥ മുന്നണിപ്പോരാളികള്‍. നിങ്ങളുടെ സമര്‍പ്പണത്തിനും ആത്മാര്‍ത്ഥതയ്‌ക്കും നന്ദിയെന്നും മേരി കോം കൂട്ടിച്ചേര്‍ത്തു.

കൊറോണ വൈറസ് പ്രതിരോധത്തിനീയി രാജ്യത്ത് ലോക്ക് ഡൗണ്‍ പ്രഖ്യാപിച്ചതോടെ വീടുകളില്‍ കുടുങ്ങി പോയ ജനങ്ങളുടെ മനോബലം ഉയര്‍ത്തുന്നതിനായാണ് പൊലീസ് ഉദ്യോഗസ്ഥര്‍ ജന്മദിനാഘോഷങ്ങള്‍ പോലുള്ള പരിപാടികള്‍ ആസൂത്രണം ചെയ്യുന്നത്.

Thank you @DCPNewDelhi for making this birthday so special for my younger son Prince Kom.

You all are real frontline warriors, i salute you all for your dedication and commitment.@CPDelhi @DelhiPolice @LtGovDelhi @pragya_92 pic.twitter.com/5LOcEN3CH8

— Mary Kom OLY (@MangteC) May 14, 2020