ന്യൂഡല്ഹി: ഇന്ത്യാ-ചൈന സംയുക്ത സൈനിക യോഗം ജൂണ് 6ന്. ലഡാക്കിലും സിക്കിമിലും ചൈന നടത്തുന്ന കടന്നുകയറ്റത്തിന് അറുതിവരുത്താനുള്ള യോഗം മാണ് നടക്കുന്നത്. ലഡാക് ഇരുഭാഗത്തേയും സൈനികര് തമ്മിലുണ്ടായ കയ്യാങ്കളിയില് 100നടുത്ത് സൈനികര്ക്ക് പരിക്കേറ്റിരുന്നു. നിലവിലെ പ്രശ്നങ്ങളും സംഘര്ഷവും ഒത്തുതീര്പ്പാ ക്കാനാണ് യോഗം തീരുമാനിച്ചിരിക്കുന്നത്. ലേയിലെ 14-ാം കോര്പ്പിന്റെ കമാന്ററാണ് യോഗത്തില് ഇന്ത്യക്കായി പങ്കെടുക്കുന്നത്.
അതിര്ത്തി തര്ക്കങ്ങളില് അതാത് മേഖലകളിലെ കമാന്റര്മാരാണ് ചര്ച്ചനടത്തുക യെന്നതാണ് സൈനിക രീതിയെന്നും കരസേനാ വൃത്തങ്ങള് അറിയിച്ചു. നിലവില് മേജര് ജനറല് റാങ്കിലുള്ള ഉദ്യോഗസ്ഥര് പരസ്പരം മൂന്ന് തവണ ചര്ച്ചകള് നടത്തിയിരുന്നു.
മെയ് മാസം 5-ാം തീയതി കിഴക്കന് ലഡാക് മേഖലയിലെ പാങ്കോംഗ് നദി അതിര്ത്തിയുടെ ഇന്ത്യയുടെ ഭാഗത്തേക്ക് ചൈന കടന്നുകയറാന് ശ്രമിച്ചത്. തുടര്ന്ന് സൈനികര് പരസ്പരം നടത്തിയ ചെറുത്തുനില്പ്പിലാണ് ഇരുഭാഗത്തേയും നൂറിലേറെപേര്ക്ക് പരിക്കേറ്റത്. സംഭവത്തെ തുടര്ന്ന് ചൈനയുടെ വിമാനങ്ങള് നിരീക്ഷണം തുടങ്ങിയതോടെ ഇന്ത്യന് വ്യോമസേനയും നിരീക്ഷണം ശക്തമാക്കി. കരസേന കൂടുതല് സൈനികരേയും ലഡാക്ക് മേഖലയിലേക്ക് അയച്ചിരിക്കുകയാണ്.