കൊല്ലം:കൊല്ലം ഡി സി സി അദ്ധ്യക്ഷ ബിന്ദുക്യഷ്ണക്ക് എതിരെ ഡിസിസി ഓഫീസിനു മുന്നില് പോസ്റ്റര്. കേസില് അകപ്പെട്ട യുവനേതാവും യൂത്ത് കോണ്ഗ്രസ് ജനറല് സെക്രട്ടറിയുമായ ഫൈസല് കുളപ്പാടത്തിനെ ബിന്ദുക്യഷ്ണ സംരക്ഷിക്കുന്നുവെന്ന് ആരോപിച്ചാണ് സേവ് കോണ്ഗ്രസ് എന്ന പേരില് പോസ്റ്ററുകള് പതിച്ചിരിക്കുന്നത്.
യൂത്ത് കോണ്ഗ്രസ് നേതാവ് ഫൈസല് കുളപ്പാടം ക്രിമിനല് കേസില് പ്രതിയായി റിമാന്റില് കഴിയുന്ന ആളാണെന്നും അങ്ങനെയുള്ള ക്രിമിനല് കേസില് പ്രതികളായവരെ എന്തിന് ഡിസിസി പ്രസിഡന്റ് സംരക്ഷിക്കുന്നു എന്നാരോപിച്ചാണ് ഡിസിസി ഓഫീസിന്റെ ഭിത്തിയില് പോസ്റ്ററുകള് പ്രത്യക്ഷപ്പെട്ടത്. ഡിസിസി പ്രസിഡന്റിനെ കൂടാതെ ജില്ലയിലെ എ ഗ്രൂപ്പ്കാരനായ മുതിര്ന്ന കോണ്ഗ്രസ് നേതാവിന്റെ പേരും പോസ്റ്ററില് പരാമര്ശിച്ചിട്ടുണ്ട്.
അതേസമയം കേസില് അകപ്പെട്ട യൂത്ത് കോണ്ഗ്രസ് നേതാവിനെതിരെ നടപടി എടുക്കേണ്ടത് യൂത്ത് കോണ്ഗ്രസ് സംസ്ഥാന നേതൃത്വമെന്നാണ് വിഷയത്തില് ബിന്ദു ക്യഷ്ണയുടെ പ്രതികരണം.ഒരാഴ്ച മുന്പാണ് യൂത്ത് കോണ്ഗ്രസ് സംസ്ഥാന ജനറല് സെക്രട്ടറിയും എ ഗ്രൂപ്പില്പ്പെട്ട യുവനേതാവുമായ ഫെെസൽ കേസില്പ്പെട്ടത്. ഇയാളെ ഇതുവരെ പാര്ട്ടിയില് നിന്ന് പുറത്താക്കിയില്ലെന്നും പോസ്റ്ററില്ആരോപിക്കുന്നു. ഏറെ നാളായി കോണ്ഗ്രസിനുള്ളില് പുകയുന്ന ഗ്രൂപ്പ് പോരാണ് പോസ്റ്റര് പതിപ്പിക്കലിന് പിന്നിലെന്നാണ് സൂചന.
