കോയമ്പത്തൂര്: കൊറോണ പോലുള്ള വൈറസുകളുടെ ബാധ ചെറുക്കുന്ന തുണി നിര്മ്മിച്ചതായി വസ്ത്രനിര്മ്മാണ ശാല. തമിഴ്നാട്ടിലെ വസ്ത്രനിര്മ്മാണ ശാലയാണ് വൈറസുകളെ പ്രതിരോധിക്കുന്ന തുണി നെയ്തെന്ന അവകാശവാദവുമായി രംഗത്തെ ത്തിയിരിക്കുന്നത്. ആന്റി വൈറസ് സാങ്കേതിക വിദ്യയാണ് വസ്ത്ര നിര്മ്മാണത്തില് അവലംബിച്ചിരിക്കുന്നത്.സ്വിറ്റ്സര്ലാന്റ് കേന്ദ്രീകരിച്ചുള്ള ഒരു കമ്പനിയുമായി ചേര്ന്നാണ് പുതിയ തരത്തിലുള്ള തുണി നെയ്തിരിക്കുന്നതെന്നാണ് കമ്പനി പറയുന്നത്. തുണിയിലെ സാങ്കേതിക വിദ്യകൊണ്ട് കൊറോണ വൈറസ് അടക്കമുള്ള അണുക്കളെ മൂന്ന് മിനിറ്റിനുള്ളില് നിര്വ്വീര്യമാക്കാനാകുമെന്നാണ് കമ്പനി പറയുന്നത്. കമ്പനി മേധാവി സുന്ദര് രാമനാണ് വിവരം നല്കിയത്. അന്താരാഷ്ട്രതലത്തില് വസ്ത്രങ്ങള് പരിശോധനയ്ക്ക് വിധേയമാക്കിയെന്നും രാമന് പറഞ്ഞു.
വസ്ത്രനിര്മ്മാണത്തിനായി ഉപയോഗിക്കുന്ന തുണി ഉപയോഗിച്ച് മികച്ച ഇനം ആരോഗ്യരക്ഷാ മാസ്കുകള് നിര്മ്മിക്കുന്ന തിരക്കിലാണെന്നും രാമന് വ്യക്തമാക്കി. നിലവില് ഉണ്ടാക്കിയ എന്95 മാസ്ക്കുകള് 10 തവണ തുടര്ച്ചയായ പരിശോധനയിലൂടെ ഗുണനിലവാരം തെളിയിച്ചുകഴിഞ്ഞുവെന്നും സുന്ദര് രാമന് പറഞ്ഞു.