വിശാൽ നായകനായെത്തുന്ന ചക്രയുടെ ട്രെയിലർ ഈ മാസം 27 ന് പുറത്തിറക്കും. തമിഴ്, മലയാളം, തെലുങ്ക്, കന്നഡ എന്നീ ഭാഷളിലാണ് ട്രെയിലറെത്തുന്നത്. മലയാം ട്രെയിലർ സൂപ്പർ താരം മോഹൻലാലാണ് പുറത്തിറക്കുന്നത്. തമിഴിൽ കാർത്തിയും ആര്യയും തെലുങ്കിൽ റാണാ ദുഗ്ഗുബട്ടിയും കന്നഡയിൽ യഷും തങ്ങളുടെ ട്വിറ്റർ പേജുകളിലൂടെ ട്രെയിലർ റിലീസ് ചെയ്യും.
സൈബർ ക്രൈമിന്റെ പാശ്ചാത്തലത്തിലുള്ള ഒരു ആക്ഷൻ ത്രില്ലർ സിനിമയാണ് ചക്ര. ചിത്രത്തിന്റെ ട്രെയിലർ ദൃശ്യങ്ങൾ കഴിഞ്ഞ ദിവസം പുറത്തിറക്കിയിരുന്നു. ഇത് യൂട്യൂബിൽ തരംഗമായി മാറിയിരിക്കുകയാണ്. വിശാൽ ഫിലിം ഫാക്ടറിയുടെ ബാനറിൽ വിശാൽ നിർമ്മിക്കുന്ന ചിത്രം നവാഗതനായ എംഎസ്. ആനന്ദാണ് സംവിധാനം ചെയ്തിരിക്കുന്നത്.
ഓൺലൈൻ ബിസിനസ് രംഗത്തെ കാപട്യങ്ങളുടെയും, ചതികളുടേയും പശ്ചാത്തലത്തിലുള്ള പ്രമേയമാണ് ചക്രയുടേത്. ശ്രദ്ധാ ശ്രീനാഥ് പോലീസ് ഓഫീസറായി നായികാ കഥാപാത്രത്തെ അവതരിപ്പിക്കുന്നു. റെജിനാ കസാൻഡ്രെ മറ്റൊരു പ്രധാനമായ കഥാപാത്രത്തെ അവതരിപ്പിക്കുന്നു. റോബോ ഷങ്കർ, കെ. ആർ. വിജയ, സൃഷ്ടി ഡാങ്കെ, മനോബാല, വിജയ് ബാബു എന്നിവരാണ് ചിത്രത്തിലെ മറ്റ് താരങ്ങൾ. യുവൻ ഷങ്കർ രാജയാണ് സംഗീത സംവിധായകൻ . ബാലസുബ്രഹ്മണ്യമാണ് ചിത്രത്തിന്റെ ക്യാമറ ചെയ്തിരിക്കുന്നത്.
