ആക്ഷൻ ഹീറോ സുരേഷ് ഗോപിയെ നായകനാക്കി രഞ്ജി പണിക്കരുടെ മകൻ നിതിൻ രഞ്ജി പണിക്കർ സംവിധാനം ചെയ്യുന്ന കാവൽ സിനിമയുടെ ഒഫിഷ്യൽ ടീസർ പുറത്തിറങ്ങി. സുരേഷ് ഗോപിയുടെ ജന്മദിനത്തിൽ സമൂഹമാദ്ധ്യമങ്ങളിലൂടെയാണ് ടീസർ അണിയറപ്രവർത്തകർ പുറത്തിറക്കിയിരിക്കുന്നത്. സുരേഷ് ഗോപിയ്ക്ക് ജന്മദിനാശംസകൾ നേർന്നുകൊണ്ടാണ് ടീസർ ആരംഭിക്കുന്നത്.
ചിത്രത്തിൽ തമ്പാൻ എന്ന കഥാപാത്രമായാണ് സുരേഷ് ഗോപി എത്തുന്നത്. കയ്യിൽ തോക്കുമായി ഒരു കണ്ണ് മൂടിയാണ് സുരേഷ് ഗോപി ടീസറിൽ പ്രത്യക്ഷപ്പെടുന്നത്. ചാരമാണെന്നുകരുതി ചികയാൻ നിൽക്കണ്ട. കനൽ കെട്ടിട്ടില്ലെങ്കിൽ പൊള്ളും എന്ന മാസ് ഡയലോഗും ടീസറിലുണ്ട്.
ഹൈറേഞ്ച് പശ്ചാത്തലത്തില് രണ്ടു കാലഘട്ടത്തിന്റെ കഥയാണ് ചിത്രം പറയുന്നത്. ചിത്രത്തിന്റെ തിരക്കഥ ഒരുക്കുന്നത് നിതിന് തന്നെയാണ്. ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ്ജാണ് ചിത്രം നിര്മ്മിക്കുന്നത്.
