ഇസ്ലാമാബാദ്: ഹിന്ദു ക്ഷേത്രം പണി തടസ്സപ്പെടുത്തികൊണ്ടുള്ള മതമൗലികവാദികളുടെ നയത്തിന് പരോക്ഷ പിന്തുണയുമായി ഇമ്രാന്ഖാന് സര്ക്കാര്. ക്ഷേത്രം പണി പുനരാരം ഭിച്ചാല് കലാപം ഉണ്ടാക്കുമെന്ന ഇസ്ലാമിക മതമൗലികവാദികളുടെ ഭീഷണിയോട് ഇതുവരെ ഇമ്രാന്ഖാന് പ്രതികരിച്ചിട്ടില്ല. ന്യൂനപക്ഷങ്ങള്ക്കെതിരെ തുടര്ച്ചയായി നടക്കുന്ന വിദ്വേഷ പ്രകടനങ്ങള്ക്കാണ് പാകിസ്താന് രാഷ്ട്രീയം സാക്ഷ്യം വഹിക്കുന്നതെന്നാണ് അന്താരാഷ്ട്ര മാദ്ധ്യമങ്ങള് റിപ്പോര്ട്ട് ചെയ്യുന്നത്. ഇമ്രാന്ഖാന് ഭരണകൂടം 13കോടിരൂപ ക്ഷേത്രത്തിനായി അനുവദിച്ച ശേഷമാണ് വിവാദം ഉണ്ടായിരിക്കുന്നത്. ക്ഷേത്രനിര്മ്മാ ണത്തന് ആവശ്യമായ അഞ്ചിലൊന്ന് പണം മാത്രമാണ് സര്ക്കാര് അനുവദിച്ചതെന്ന പരിഭവവും ഹിന്ദുസംഘടനകള് പങ്കുവച്ചിരുന്നു.
പാകിസ്താനിലെ ഹിന്ദുക്കള് അതിരുകടക്കരുതെന്ന ഭീഷണി പാക് സൈന്യവും ഭീകരന്മാരും ഉയര്ത്തുന്ന വീഡിയോ പ്രചരിച്ചതായും അന്താരാഷ്ട്രമാദ്ധ്യമങ്ങള് ചൂണ്ടിക്കാട്ടുന്നു. ഇസ്ലാമാബാദില് കഴിഞ്ഞ ഒരു മാസമായി ശ്രീകൃഷ്ണ ക്ഷേത്രം പണിതുകൊണ്ടിരുന്നതാണ് ഇസ്ലാമിക മതമൗലികവാദികള് തടഞ്ഞത്. ക്ഷേത്രത്തിനായി അനുവദിച്ച സ്ഥലത്തെ ചുറ്റുമതില് നിര്മ്മാണം നടത്തവേയാണ് ആദ്യം അനുമതി നല്കിയ പ്രാദേശിക ഭരണകൂടം എതിര്പ്പുമായി രംഗത്തുവന്നതെന്നാണ് മാദ്ധ്യമങ്ങള് പറയുന്നത്.
ഒരാഴ്ചയായി നടന്ന ഐക്യരാഷ്ട്ര രക്ഷാസമിതി യോഗത്തില് പാകിസ്താനിലെ ന്യൂനപക്ഷ ങ്ങള്ക്ക് നേരെ നടക്കുന്ന അതിക്രമങ്ങളില് ലോകരാഷ്ട്രങ്ങള് ശക്തമായ എതിര്പ്പു പ്രകടിപ്പിച്ചിരുന്നു. ബലൂചികളും സിന്ധ് പ്രവിശ്യയിലേയും പഞ്ചാബിലേയും സിഖ് സമൂഹവും അന്താരാഷ്ട്രതലത്തില് വിഷയങ്ങള് ഉന്നയിച്ചിരുന്നു. ഇതിനൊപ്പം അമേരിക്ക കേന്ദ്രമായ ദക്ഷിണേഷ്യന് മനുഷ്യാവകാശ കമ്മീഷന് ചൈനയുടെ ഉയിഗുര് മുസ്ലീം വിഷയത്തിലെ അതിക്രമങ്ങളെ പാകിസ്താന് പിന്തുണയ്ക്കുന്നത് ചൂണ്ടിക്കാട്ടിയിരുന്നു. അന്താരാഷ്ട്ര സമൂഹത്തിന്റെ സമ്മര്ദ്ദത്തെ അതിജീവിക്കാന് സിഖ് സമൂഹത്തിനായി 500 വര്ഷം പഴക്കമുള്ള കര്താര്പൂര് ഡര്ബാര് സാഹിബ് ഗുരുദ്വാര തുറന്നുകൊടുത്തിരുന്നു. മറ്റൊരു ഗുരുദ്വാരയ്ക്ക് നേരെ നടന്ന ഭീകരാക്രമണത്തില് ഇതുവരെ ഒരാളേയും പിടികൂടിയിട്ടില്ല.