ന്യൂഡല്ഹി: ഇന്ത്യന് ക്രിക്കറ്റിലെ ഏറ്റവും പ്രേരണ നല്കിയ താരത്തെ വെളിപ്പെടുത്തി ഇന്ത്യന് ബൗളര് രംഗത്ത്. ഇന്ത്യന് സ്പിന് ബൗളറായ യുസ്വേന്ദ്ര ചഹലാണ് തന്റെ അനുഭവം പുറത്തുപറയാന് തയ്യാറായത്. ടീമംഗമായ കുല്ദീപ് യാദവും തമ്മിലുള്ള പ്രശ്നം പരിഹരിച്ചത് ധോണിയാണെന്നാണ് ചഹലിന്റെ വെളിപ്പെടുത്തല്.
2011ലെ ലോകകപ്പില് നിര്ണ്ണായക വിക്കറ്റെടുക്കാന് തന്നെ സഹായിച്ചതും ധോണിയാ ണെന്നും ചഹല് പറഞ്ഞു. തനിക്കും കുല്ദീപിനും ധോണി തണലായിരുന്നു. ഒരിക്കല് ഒരു ബാറ്റ്സ്മാന് തന്നെ കടന്നാക്രമിച്ചപ്പോള് ധോണി നേരെ എന്റെയടുത്തെത്തി രണ്ടു കൈകളും തോളിലിട്ട് പറഞ്ഞു ‘അവന് നേരെ നല്ല ഗൂഗ്ലി എറിഞ്ഞു നോക്കൂ, അവന് അടിക്കില്ല’. നിര്ണ്ണായക സമയത്ത് ധോണി തരുന്ന നുറുങ്ങുകള് എന്നും ഗുണമായിരുന്നുവെന്നും ചഹല് പറഞ്ഞു.
ധോണി നായകനല്ലായിരിക്കാം പക്ഷെ ടീമിനൊപ്പം കളിക്കുമ്പോള് യുവതാരങ്ങള്ക്ക് എപ്പോഴും ആശ്രയിക്കാവുന്ന നല്ല വ്യക്തിത്വമാണ് ധോണിയുടേതെന്നും ചഹല് പറഞ്ഞു. ധോണി നായക സ്ഥാനത്തു നിന്നും മാറിയപ്പോള് നിങ്ങളാണ് എപ്പോഴും എന്റെ നായകനെന്ന് വിരാട് കോഹ്ലി പറഞ്ഞതും ചഹല് ചൂണ്ടിക്കാട്ടി.
