വെറും മൂന്ന് മിനിട്ടില് നൂറ് യോഗാ പോസുകള് ചെയ്ത് ലോക റെക്കോഡിന് അര്ഹയായി ഇന്ത്യന് വശജയായ വിദ്യാര്ത്ഥിനി. സമൃദ്ധി കാലിയ എന്ന പതിനൊന്നുകാരിയാണ് ലോകറെക്കോഡില് ഇടം നേടിയത്. ഗോള്ഡന് ബുക്ക് ഓഫ് വേള്ഡ് റെക്കോര്ഡിലാണ് സമൃദ്ധി ഇടം നേടിയത്. ദുബായിയിലെ അംബാസിഡര് സ്കൂളില് ഏഴാം ക്ലാസ് വിദ്യാര്ത്ഥിനിയാണ് സമൃദ്ധി. ഏറ്റവും വേഗത്തില് കുറഞ്ഞ സ്ഥലത്ത് ഏറ്റവും കൂടുതല് യോഗാ പോസുകള് ചെയ്തതിനാണ് സമൃദ്ധി റെക്കോഡ് കരസ്ഥമാക്കിയത്.
മൂന്ന് മിനിട്ടും 18 സെക്കന്റും കൊണ്ടാണ് സമൃദ്ധി 100 പൊസിഷനുകള് പൂര്ത്തിയാക്കിയത്. ബുര്ജ് ഖലീഫിയിലെ വ്യൂവിംഗ് ഡെക്കിലായിരുന്നു പ്രകടനം. യോഗയില് സമൃദ്ധിയുടെ മൂന്നാമത്തെ റെക്കോഡാണിത്. ഒരു മാസത്തിനിടെ കരസ്ഥമാക്കുന്ന രണ്ടാമത്തെ റെക്കോര്ഡും. അന്താരാഷ്ട്ര യോഗാദിനത്തില് സമൃദ്ധി റെക്കോഡ് നേടിയിരുന്നു. ഒരു മിനിട്ടിനുള്ളില് ചെറിയ ബോക്സിനുള്ളില് യോഗയിലെ ഏറ്റവും പ്രയാസമുള്ള നാല് പോസുകള് ചെയ്തതിനാണ് റെക്കോഡ് കരസ്ഥമാക്കിയത്.
സ്വപ്നങ്ങളെ പിന്തുടരാനുള്ള ധൈര്യം ഉണ്ടെങ്കില് എല്ലാ സ്വപ്നങ്ങളും സാക്ഷാത്കരിക്കാന് കഴിയുമെന്നാണ് സമൃദ്ധി പറയുന്നത്. ദിവസവും മൂന്ന് മണിക്കൂറാണ് സമൃദ്ധി യോഗാ പരിശീലനം ചെയ്യുന്നത്.
