ന്യൂയോര്‍ക്ക്: കൊറോണ വ്യാപിപ്പിച്ചത് ചൈന തന്നെയെന്ന് മനുഷ്യാവകാശ സംഘടനകള്‍. 2019 ആഗസ്റ്റില്‍ തന്നെ ആരംഭിച്ച വൈറസ് ബാധ രൂക്ഷമായിട്ടും അന്താരാഷ്‌ട്ര അതിര്‍ത്തി അടയ്‌ക്കാന്‍ ചൈന മന:പൂര്‍വ്വം ശ്രമിക്കാതിരുന്നു എന്നാണ് ചൈനയില്‍ നിന്നും പലായനം ചെയ്യപ്പെട്ട മനുഷ്യാവകാശ പ്രവര്‍ത്തകര്‍ പറയുന്നത്.
ചൈനയെ അന്ധമായി വിശ്വസിച്ച എല്ലാ രാജ്യങ്ങളും പ്രതിന്ധിയിലായെന്ന കാര്യം സംഘട നകള്‍ എടുത്തുപറഞ്ഞു. എന്തുകൊണ്ടാണ് തൊട്ടടുത്തുകിടന്ന തായ്വാന്‍ കാണിച്ച ബുദ്ധി പോലും മറ്റ് രാജ്യങ്ങള്‍ കാണിക്കാതിരുന്നതെന്നും അവര്‍ ചോദിച്ചു. അന്താരാഷ്‌ട്ര സമൂഹം ഇപ്പോഴും ചൈനയെ പൂര്‍ണ്ണമായും തള്ളിപ്പറഞ്ഞിട്ടില്ലെന്നും ഉയിഗുര്‍ സംഘടനകള്‍ ചൂണ്ടിക്കാട്ടി.
ചൈന പറഞ്ഞ പച്ചക്കള്ളം ലോകം മുഴുവന്‍ വിശ്വസിച്ചു. അഞ്ചുലക്ഷം വുഹാന്‍ നിവാസികള്‍ വൈറസുമായിട്ടാണ് നഗരം വിട്ടത്. അവരെ ലോകത്തിന്റെ വിവിധ ഭാഗങ്ങളിലേയ്‌ക്ക് ജനുവരി ആദ്യം തന്നെ പോകാന്‍ അനുവദിച്ചത് ചൈന തന്നെയാണ്. ഈ കൊറോണ വ്യാപനത്തിന്റെ ഏക ഉത്തരവാദിയും ചൈന മാത്രമാണെന്നും മനുഷ്യാവകാശ സംഘടനാ പ്രതിനിധികള്‍ ആവര്‍ത്തിച്ചു.
കൊറോണയെ ‘ചൈനാ വൈറസ്’ എന്ന് അമേരിക്കന്‍ പ്രസിഡന്റ് വിളിച്ചതില്‍ ഒരു അപാകതയുമില്ല. കാരണം അത് ചൈനയുടെ സൃഷ്ടിയാണ്. ആ രാജ്യത്ത് അടക്കി നിര്‍ത്താമായിരുന്ന വൈറസിനെ തുറന്നുവിട്ടതും അവരാണെന്നും ഉയിഗുര്‍ പോരാട്ടം നയിക്കുന്ന സംഘടനാ പ്രതിനിധികള്‍ പറഞ്ഞു.
