ന്യൂഡല്ഹി: പ്രളയം അതിരൂക്ഷമായ അസം മേഖലയിലേയ്ക്ക് സഹായവുമായി റെഡ്ക്രോസ് സംഘം. അസം , ബീഹാര്, ഉത്തര്പ്രദേശ് മേഖലകളിലെ പ്രളയ ദുരിതാശ്വാസ പ്രവര്ത്തനങ്ങള്ക്കായിട്ടാണ് റെഡ്ക്രോസിന്റെ അന്താരാഷ്ട്ര സഹായം ലഭ്യമാക്കിയി രിക്കുന്നത്. സാധനങ്ങള് വഹിച്ചുകൊണ്ടുള്ള ട്രക്കുകളുടെ വ്യൂഹം രാഷ്ട്രപതി രാംനാഥ് കോവിന്ദ് ഫ്ളാഗ് ഓഫ് ചെയ്തു. ചടങ്ങില് കേന്ദ്ര ആരോഗ്യമന്ത്രി ഡോ. ഹര്ഷവര്ധന് സന്നിഹിതനായിരുന്നു.
ആകെ 9 ട്രക്കുകളിലായിട്ടാണ് ദുരിതാശ്വാസ സാധനങ്ങള് പ്രളയ ബാധിതമേഖലയിലേയ്ക്ക് പോകുന്നത്. രാഷ്ട്രപതി ഭവന്റെ മുന്നിലാണ് ചടങ്ങ് സംഘടിപ്പിക്കപ്പെട്ടത്. ടാര്പോളിനുകള്, സാരി, മുണ്ടുകള്, ബെഡ് ഷീറ്റുകള്, അടുക്കള സാധനങ്ങള്, സര്ജിക്കല് മാസ്ക്, പിപിഇ കിറ്റുകള്, ഗ്ലൗസുകള്, കുട്ടികള്ക്കുള്ള വസ്ത്രങ്ങളും അവശ്യസാധനങ്ങളും അടക്കമാണ് ട്രക്കില് കയറ്റിയിരിക്കുന്നതെന്ന് റെഡ് ക്രോസ് അധികൃതര് അറിയിച്ചു. നിലവില് 7,65,191 പേരെയാണ് പ്രളയം ബാധിച്ചിരിക്കുന്നത്.
