അമ്മൂമ്മ ഓൺലൈൻ ക്ലാസിൽ നോക്കിയിരിക്കുമ്പോൾ പുറത്തെ കാഴ്ച്ചകൾ കണ്ടിരിക്കുന്ന കുട്ടി – തല തിരിഞ്ഞിരിക്കുന്നത് ഞാനല്ല നിങ്ങളുടെ വിദ്യാഭ്യാസ രീതി എന്ന തലക്കെട്ടോടെ സാമൂഹ്യ മാദ്ധ്യമങ്ങളിൽ ഇപ്പോൾ വൈറലാണ്. ഓൺലൈൻ ക്ലാസിൽ ടീച്ചർ പറയുന്നത് ശ്രദ്ധയോടെ കുറിച്ചെടുക്കുന്ന അമ്മൂമ്മയ്ക്കൊപ്പം കണ്ണുപൊത്തി ബഞ്ചിൽ കാലിട്ട് തറയിലേക്ക് കമിഴ്ന്ന് കിടക്കുന്ന കുട്ടിയുടെ ചിത്രമാണ് പ്രേസൽ ദിവാകരൻ എന്ന ചിത്രകാരൻ വ്യത്യസ്തമായി വരച്ചത്. മനോഹരമായ ചിത്രവും അതിലും മനോഹരമായ തലക്കെട്ടും ചിത്രത്തെ മാത്രമല്ല പ്രേസലിനേയും സിനിമേലെടുത്തു.
കണ്ണൂർ സ്വദേശിയും പ്രവാസിയുമായ പ്രേസൽ ഇതാദ്യമായല്ല സാമൂഹ്യ പ്രതിബദ്ധതയുള്ള വരകളിലൂടെ അറിയപ്പെടുന്നത്. രാഷ്ട്രീയത്തിലെ ശരികേടുകളെ ആക്ഷേപ ഹാസ്യത്തിലൂടെ ശക്തമായി വിമർശിക്കുന്ന നിരവധി വരകൾ പ്രേസലിന്റേതായി ഉണ്ട്. വാളയാറിൽ നീതി അകലെയായപ്പോഴും ശക്തമായ വരകളിലൂടെ പ്രതിഷേധമുയർത്തി ആ കലാകാരൻ മുന്നിലുണ്ടായിരുന്നു. പ്രകൃതിയും പൂക്കളും ഗൃഹാതുരത്വം വിളിച്ചോതുന്ന പഴയ ഓർമ്മകളുമെല്ലാം പ്രേസലിന്റെ ക്യാൻവാസിന് ഭംഗി പകർന്ന് സാമൂഹ്യമാദ്ധ്യമങ്ങളിലൂടെ കടന്നു പോയിട്ടുണ്ട്.
https://www.facebook.com/PreselDivakaran/
ചില വരകൾ…
