ആയിരക്കണക്കിന് വർഷങ്ങൾക്ക് മുമ്പ് മനുഷ്യവാസം തുടങ്ങിയ ഭൂമിയെ കുറിച്ച് ഇന്നും പലർക്കും അറിയാൻ സാധ്യതയില്ലാത്ത ഒരുപാട് കാര്യങ്ങൾ ഉണ്ട്. എന്താണെന്നല്ലേ.. പറയാം.
ഭൂമിയുടെ ഉൾകാമ്പുകളിലെ താപനില സൂര്യന്റെ ഉപരിതലത്തിലെ താപനിലക്ക് തുല്യമാണ്. ജിയോകെമിസ്റ്റ് പോൾ അസിമോവ് പറയുന്നതനുസരിച്ച് ഈ ഏകദേശ താപനില 10,000°F ആണ്.
ഭൂമി ഏകദേശം 40 ടെറാവാട്ട്സ് ചൂട് ഉൽപ്പാദിപ്പിക്കുന്നു. ഇതിൽ പകുതിയും ഭൂമിയുടെ ഉൾകാമ്പിൽ ഉണ്ടാവുന്ന റേഡിയോആക്റ്റീവ് പ്രവർത്തനത്തിന്റെ ഫലമാണ്.
ഭൂമിയിലെ സമുദ്രങ്ങൾക്കടിയിൽ ഏകദേശം 2.9×10^29 സൂക്ഷ്മാണുക്കൾ ഉണ്ടെന്നാണ് കണ്ടെത്തൽ. സമുദ്രനിരപ്പിന് 2.5കിലോമീറ്റർ ആഴത്തിലാണ് ഇവ കാണപ്പെടുന്നത്. കൂടുതൽ ആഴത്തിൽ ജീവികളുണ്ടെന്നാണ് ശാസ്ത്രജ്ഞന്മാരുടെ കണക്കുകൂട്ടൽ. കുറച്ച് മാസങ്ങൾക്ക് മുമ്പ് സമുദ്രനിരപ്പിന് 400 അടി താഴ്ചയിൽ പാറകളിൽ ബാക്ടീരിയകളുടെ സാന്നിധ്യം കണ്ടെത്തിയിരുന്നു.
ഭൂമിയെ ഒരു വലിയ കാന്തമായി കണക്കാക്കാം. യഥാർത്ഥ ഭൂമിശാസ്ത്ര ധ്രുവങ്ങൾക്ക് സമീപമായി മുകളിലും താഴെയുമായി കാന്തത്തിന്റെ ധ്രുവങ്ങൾ ഉണ്ടെന്ന് കരുതുന്നു. ഇത് സൃഷ്ടിക്കുന്ന കാന്തികക്ഷേത്രം ഭൂമിയുടെ ഉപരിതലത്തിൽ നിന്ന് ആയിരക്കണക്കിന് കിലോമീറ്റർ വരെ അനുഭവപ്പെടുന്നു. കാന്തികക്ഷേത്രം അനുഭവപ്പെടുന്ന ഭാഗത്തെ മാഗ്നെറ്റോസ്ഫിയർ എന്ന് വിളിക്കുന്നു.
ഭൂമി സ്വയം തിരിയാൻ എടുക്കുന്ന സമയം 24 മണിക്കൂർ എന്നാണ് ഇത് വരെയും നമ്മളിൽ പലരും കരുതിയിരുന്നത്. എന്നാൽ അത് തെറ്റാണ്. ഭൂമി സ്വയം തിരിയാൻ എടുക്കുന്ന സമയം 23മണിക്കൂർ 56മിനിറ്റ് 4 സെക്കന്റ് ആണ്. മറ്റുനക്ഷത്രങ്ങളുമായി താരതമ്യം ചെയ്യുമ്പോൾ സൂര്യന് ഓരോ ദിവസവും ഏകദേശം 1° സ്ഥാനമാറ്റം സംഭവിക്കുന്നു. ഇതും കൂടി പരിഗണിക്കുമ്പോൾ ആണ് ഒരു ദിവസം 24 മണിക്കൂർ എന്ന നിഗമനത്തിൽ നമ്മൾ എത്തുന്നത്.
ഈ നൂറ്റാണ്ടിന്റെ അവസാനത്തിലേക്കെത്തുമ്പോൾ സമുദ്രനിരപ്പ് രണ്ട് അടി കൂടി ഉയരുമെന്നാണ് ഗവേഷകർ പറയുന്നത്.ഏകദേശം 4500 കോടി വർഷങ്ങൾക്ക് മുൻപാണ് ഭൂമി ഉണ്ടായത്. എന്നാൽ മനുഷ്യ വംശം ഉണ്ടായത് 450,000 വർഷങ്ങൾക്ക് മുൻപാണ്.1985ൽ അമേരിക്കക്ക് മുകളിലായുള്ള ഭാഗത്താണ് ആദ്യമായി ഓസോൺ പാളിക്ക് വിള്ളൽ വീഴുന്നത്.
