ലഖ്നൗ: ഇന്ത്യയുടെ ചരിത്രത്തിലെ സുപ്രധാനമായ മൂന്ന് സംഭവങ്ങള്ക്ക് സാക്ഷ്യം വഹിച്ച ഏക പ്രധാനമന്ത്രിയെന്ന പ്രത്യേകതയാണ് നരേന്ദ്രമോദിക്ക് കൈവന്നിരിക്കുന്നത്.
അയോദ്ധ്യയിലെ ഹനുമാന്ഗഡി ക്ഷേത്രത്തില് സന്ദര്ശനം നടത്തുന്ന ആദ്യ പ്രധാനമന്ത്രിയായി നരേന്ദ്രമോദി ഇന്ന് മാറിയെന്നതാണ് ഒന്നാമത്തെ പ്രത്യേകതയായി ചൂണ്ടിക്കാട്ടുന്നത്. ശ്രീരാമജന്മഭൂമി സന്ദര്ശിക്കുന്ന ആദ്യ പ്രധാനമന്ത്രിയായും നരേന്ദ്രമോദി മാറിയിരിക്കുകയാണ്. സാസ്ക്കാരിക ക്ഷേത്രം എന്ന നിലയിലുള്ള ഒരു ക്ഷേത്രത്തിന്റെ പുനര്നിര്മ്മാണത്തിന് ശിലാപൂജചെയ്യുന്ന ആദ്യ പ്രധാനമന്ത്രിയെന്ന നേട്ടവും നരേന്ദ്രമോദിയ്ക്ക് സ്വന്തമായി എന്നതാണ് മൂന്നാമത്തെ ചരിത്ര മുഹൂര്ത്തമായി വിലയിരുത്തുന്നത്.
ഇന്നു രാവിലെ 11.30നാണ്് പ്രധാനമന്ത്രി അയോദ്ധ്യയിലെത്തിയത്. ഹനുമാന്ഗഡി ക്ഷേത്രത്തിലെത്തി ദര്ശനവും പൂജയും നടത്തിയശേഷമാണ് ശ്രീരാംലാല ക്ഷേത്രത്തിലെത്തിയത്. താല്ക്കാലികമായി പ്രതിഷ്ഠിച്ചിരിക്കുന്ന വിഗ്രഹത്തില് ആരതിയും പൂജയും നടത്തിയശേഷം മുറ്റത്ത് പാരിജാത വൃക്ഷവും പ്രധാനമന്ത്രി നട്ടു. ഭൂമിപൂജാ വേദിയില് യജമാനസ്ഥാനത്തിരുന്നാണ് പ്രധാനമന്ത്രി പൂജാചടങ്ങില് പങ്കെടുത്തത്.
