ലണ്ടന്: യൂറോപ്പാ ലീഗില് മാഞ്ചസ്റ്റര് യൂണൈറ്റഡും ഇന്റര്മിലാനും ക്വാര്ട്ടറില് കടന്നു. ഇവര്ക്കൊപ്പം ഷാക്തര് ഡോണ്സ്റ്റീകും കോപ്പന് ഹേഗനും അവസാന 8ല് സ്ഥാനം പിടിച്ചു. ഇന്നലെ നടന്ന മത്സരങ്ങളിലാണ് എല്ലാ ടീമുകളും വിജയം നേടിയത്. ഓള്ഡ് ട്രാഫോഡിലെ മത്സരത്തില് മാഞ്ചസ്റ്റര് യുണൈറ്റഡ് 2-1നാണ് ലാസ്കിനെ തോല്പ്പിച്ചത്്. രണ്ടു പാദങ്ങളിലായി നടന്ന മത്സരങ്ങളില് ആകെ 7-1നാണ് യുണൈറ്റഡ് മുന്നേറിയത്. ലാസ്കിനായി ഫിലിപ്പാണ് രണ്ടാം പകുതിയിലെ 55-ാം മിനിറ്റില് യുണൈറ്റഡിനെതിരെ ലീഡ് നേടിയത്. തുടര്ന്ന് 57-ാം മിനിറ്റില് ലിംഗാര്ഡിലൂടെ യുണൈറ്റഡ് സമനില നേടി.88-ാം മിനിറ്റില് ആന്റണി മാര്ഷലാണ് വിജയഗോള് നേടിയത്. ക്വാര്ട്ടറില് യുണൈറ്റഡിന്റെ എതിരാളി കോപ്പന്ഹേഗനാണ്.
ഇന്റര് മിലാന് എതിരില്ലാത്ത രണ്ടുഗോളുകള്ക്കാണ് ഗെറ്റാഫയെ മറികടന്നത്. 33-ാം മിനിറ്റില് റൊമേലൂ ലൂക്കാക്കുവും 83-ാം മിനിറ്റില് ക്രിസ്റ്റ്യന് എറിക്സണുമാണ് ഇന്ററിനായി ഗോള് വല ചലിപ്പിച്ചത്. മറ്റ് രണ്ടു മത്സരങ്ങളില് ഷാക്തര് വൂള്സ്ബര്ഗ്ഗിനെ എതിരില്ലാത്ത മൂന്നു ഗോളുകള്ക്കാണ് തകര്ത്തുവിട്ടത്. മറ്റൊരു മത്സരത്തില് അതേ ഗോള് വ്യത്യാസത്തില്ത്തന്നെ കോപ്പന്ഹേഗന് ഇസ്താന്ബുള് ബസാക്സെഹറിനേയും തോല്പ്പിച്ചു.
Comments