സിഡ്നി: തന്റെ ക്രിക്കറ്റ് ജീവിതത്തില് നടപ്പാകണമെന്നാഗ്രഹിക്കുന്ന രണ്ട് ആഗ്രഹങ്ങള് വെളിപ്പെടുത്തിയിരിക്കുകയാണ് ഓസ്ട്രേലിയയുടെ മുന് നായകന്. ലോക ക്രിക്കറ്റിലെ മികച്ചബാറ്റ്സ്മാന്മാരില് ഒരാളായി കണക്കാക്കുന്ന താരത്തിന്റെ ആഗ്രഹങ്ങള് ചെറുതല്ല. സ്റ്റീവ് സ്മിത്താണ് ഇന്ത്യയടക്കമുള്ള ടീമിനൊപ്പം കളിക്കുന്ന കാര്യത്തിലെ കമന്റ് ഇട്ടത്. നേട്ടങ്ങളുടെ രണ്ടു കൊടുമുടികളെന്നാണ് തന്റെ ആഗ്രഹത്തെ സ്മിത്ത് വിശേഷിപ്പിച്ചിരിക്കുന്നത്.
തനിക്ക് പ്രായമായി വരികയാണെന്നും കളിക്കളത്തില് നിന്നും വിരമിക്കും മുന്നേ രണ്ടു സുപ്രധാന പരമ്പരകള് ജയിക്കണമെന്നുമാണ് ആഗ്രഹം. അതിലൊന്ന് പരമ്പരാഗത എതിരാളികളായ ഇംഗ്ലണ്ടിനെ ആഷസ്സില് അവരുടെ മണ്ണില് തോല്പ്പിക്കുക എന്നതാണെന്നും സ്മിത്ത് വ്യക്തമാക്കി. കഴിഞ്ഞ ആഷസ്സില് അതിഗംഭീര പ്രകടനം സ്മിത്ത് നടത്തിയിട്ടും പരമ്പര സമനിലയില് പിരിയേണ്ടിവന്നു. നാലു ടെസ്റ്റുകളിലുമായി സ്മിത്ത് ഒറ്റയ്ക്ക് അടിച്ചുകൂട്ടിയത് 744 റണ്സായിരുന്നു.
രണ്ടാമത്തെ ആഗ്രഹം അതിലും കടുപ്പമേറിയതാണ്. ഇന്ത്യയില് ഒരു ടെസ്റ്റ് പരമ്പര ജയിക്കണമെന്നതാണ് ആ ആഗ്രഹം. 2004ല് ആദം ഗില്ക്രിസ്റ്റിന്റെ നേതൃത്വത്തിലാണ് ഓസീസ് ഇന്ത്യയിലെത്തി പരമ്പര പിടിച്ചത്. എന്നാല് പിന്നീട് ഓസീസിന് പച്ചതൊടാനായില്ല. സ്റ്റീവ് സ്മിത്തിന്റെ ആഗ്രഹം ഏതായാലും സമൂഹമാദ്ധ്യമങ്ങളില് ചര്ച്ചയാണ്.
