ഹോങ്കോംഗ്: ബീജിംഗിന്റെ ഏതുതീരുമാനത്തേയും പിന്തുണയ്‌ക്കുമെന്ന് ഹോങ്കോംഗ് ഭരണാധികാരി.അമേരിക്ക ചൈനയുടെ 11 നേതാക്കന്മാരെ വിലക്കിയതിനോട് പ്രതികരിക്കുകയായിരുന്നു ഹോങ്കോംഗ് ചീഫ് എക്‌സിക്യൂട്ടീവെന്ന പദവിയിലിരിക്കുന്ന കാരീ ലാം. മേയറുടെ സ്ഥാനത്തിന് തുല്യമായ പദവിയാണ് കാരീ ലാമിന് ചൈന നല്‍കിയിരിക്കുന്നത്. ഹോങ്കോംഗിന് സ്വതന്ത്രഭരണം വേണമെന്ന് പ്രക്ഷോഭം നടത്തുന്നവര്‍ക്കെതിരാണ് കാരി ലാം.
‘ഹോങ്കോംഗ് പീപ്പിള്‍സ് റിപ്പബ്ലിക് ഓഫ് ചൈനയുടെ അവിഭാജ്യഘടകമാണ്. ഒരു രാജ്യം രണ്ടു ഭരണസംവിധാനം എന്ന ബീജിംഗ് നയം ഹോങ്കോംഗ് നിവാസികളുടെ സുരക്ഷയ്‌ക്കും നന്മയ്‌ക്കുമായിട്ടാണ്. എല്ലാ ചൈനീസ് പൗരന്മാരുടെ അഭിലാഷമാണത്. അതിനാല്‍ തങ്ങള്‍ ആ നയത്തെ പൂര്‍ണ്ണമായും പിന്തുണയ്‌ക്കുകയാണ്’ ഔദ്യോഗിക പ്രസ്താവനയായി കാരി ലാം അറിയിച്ചു.
ചൈന ഹോങ്കോംഗില്‍ അടിച്ചേല്‍പ്പിച്ചിരിക്കുന്ന ദേശീയ സുരക്ഷാ നിയമത്തിനെ ഭൂരിഭാഗം ജനങ്ങളും ചൈനയുടെ ഉരുക്കുമുഷ്ടിക്കു കീഴിലായിരിക്കുകയാണ്. എന്നാല്‍ ആഗോള സാമ്പത്തിക കേന്ദ്രമെന്ന നിലയില്‍ ബ്രിട്ടന്റെ പഴയ കോളനിയില്‍ എല്ലാ പങ്കാളിത്തവും നല്‍കിയിരുന്ന അമേരിക്കയും ബ്രിട്ടണും മറ്റ് യൂറോപ്പ്യന്‍ രാജ്യങ്ങളും നിലവില്‍ എല്ലാ ധനസഹായങ്ങളും പ്രതിരോധ-സാങ്കേതിക സഹായങ്ങളും മരവിപ്പിച്ചിരിക്കുകയാണ്.
