തിരുവനന്തപുരം: മലയാളി സ്പിന്നറും രജിട്രോഫിയിലെ മുന് നായകനുമായിരുന്ന കെ.എന്.അനന്തപദ്മനാഭന് അന്താരാഷ്ട്ര ക്രിക്കറ്റ് കൗണ്സില് അമ്പയര്മാരുടെ എലൈറ്റ് പട്ടികയില് സ്ഥാനം പിടിച്ചു. ഐ.സി.സിയുടെ എലൈറ്റ് പാനലില് ഇടംകിട്ടുന്ന ആദ്യമലയാളിയാണ് അനന്തപദ്മനാഭന്.
2016ല് ഐ.പി.എല്ലില് അമ്പയറായി മികച്ച പേരെടുത്ത താരമാണ് കെ.എന്. അനന്തപദ്മനാഭന്. 40 രഞ്ജി ട്രോഫി മത്സരങ്ങളടക്കം 195 മത്സരങ്ങള് നിയന്ത്രിച്ചശേഷമാണ്ഐ.പി.എല്ലില് കളി നിയന്ത്രിക്കാന് അവസരം ലഭിച്ചത്.
ലെഗ്സ്പിന്നര് എന്ന നിലയില് കേരളത്തിന്റെ സ്ഥിരം സാന്നിദ്ധ്യമായിരുന്നു അനന്തപദ്മനാഭന്. അനില് കുംബ്ലെയുടെ ശക്തമായ സാന്നിദ്ധ്യമാണ് ദേശീയ ടീമിലേയ്ക്ക് ഇടംകിട്ടാതിരിക്കാന് കാരണമായത്. 2006ലാണ് അനന്തപദ്മനാഭന് ബി.സി.സി.ഐയുടെ അമ്പയര്പാനലിലേയ്ക്ക് തിരഞ്ഞെടുക്കപ്പെടുന്നത്.
മുംബൈ നിവാസിയും ദേശീയ അമ്പയറുമായ നിതിന് മേനോന് ഐ.സി.സി എലൈറ്റ് പാനലില് ഇടംനേടിയതിന് തൊട്ടുപിന്നാലെയാണ് മലയാളിയായ അനന്തപദ്മനാഭന് ഇടം ലഭിക്കുന്നത്.
