കിയയുടെ ഏറ്റവും പുതിയ മോഡലായ കിയ സോണറ്റ് 2020 സെപ്റ്റംബറോടെ ഇന്ത്യൻ വിപണികളിൽ എത്തും . കിയ സെൽറ്റോസിനും കിയ കാർണിവലിനും ശേഷം കിയ മോട്ടോർസ് ഇന്ത്യൻ വിപണികളിൽ എത്തിക്കുന്ന മൂന്നാമത്തെ മോഡലാണ് .കിയ സോണറ്റ്. പൂർണ്ണമായും “മേക്ക് -ഇൻ -ഇന്ത്യ ” യുടെ ഭാഗമായി നിർമ്മാണത്തിലിരിക്കുന്ന കിയ സോണറ്റ്, ഇന്ത്യയിൽ നിന്നുമായിരിക്കും മറ്റ് ലോക വിപണികളിൽ എത്തുക എന്നത് നമുക്ക് അഭിമാനിക്കാവുന്ന ഒന്നാണ് .
ഇപ്പോൾ വിപണിയിലുള്ള മാരുതിയുടെ വിറ്റാര ബ്രെസക്കും , ഹ്യുണ്ടായിയുടെ വെന്യുവിനും , ടാറ്റയുടെ നെക്സോണിനും വെല്ലുവിളിയായിട്ടായിരിക്കും കിയ സോണറ്റ് വിപണിയിൽ എത്തുക . ഇന്ത്യൻ റോഡുകളിലൂടെ ഏകദേശം ഒരു ലക്ഷം കിലോമീറ്റർ ഓടിച്ചു പരീക്ഷിച്ചതിനു ശേഷമാണ് അത്യുഗ്രൻ ഫീച്ചറുകളുമായി കിയ സോണറ്റ് വിപണി കീഴടക്കാൻ എത്തുന്നത് .
ഒരു കോംപാക്ട് എസ് യു വി യായ കിയ സോണറ്റിന്റെ മുൻവശം ഗംഭീരമാണെന്ന് തന്നെ പറയേണ്ടിവരും . എൽഇഡി ഹെഡ്ലാമ്പുകൾ, എൽഇഡി ടെയിൽ ലാമ്പുകൾ,കറുത്ത ഒ ആർ വി എം , സിൽവർ-ഫിനിഷ്ഡ് മേൽക്കൂര റെയിലുകൾ, 16 ഇഞ്ച് ക്രിസ്റ്റൽ കട്ട് അലോയ് വീലുകൾ എന്നിവയാണ് സവിശേഷതകൾ . പുതിയ സോണറ്റിന് എട്ട് മോണോടോൺ, മൂന്ന് ഡ്യുവൽ-ടോൺ എക്സ്റ്റീരിയർ കളർ ഓപ്ഷനുകളുണ്ട്.
ആപ്പിൾ കാർപ്ലേയും ആൻഡ്രോയിഡ് ഓട്ടോ ഫീച്ചറും അടങ്ങിയ 10.25 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റമാണ് എടുത്തു പറയേണ്ട മറ്റൊരു സവിശേഷത . സ്റ്റിയറിംഗ് വീലിൽ ഘടിപ്പിച്ചിട്ടുള്ള ഓട്ടോമാറ്റിക് ക്ലൈമറ്റ് കൺട്രോൾ, സബ് വൂഫറുള്ള ബോസ് പ്രീമിയം സെവൻ സ്പീക്കർ ഓഡിയോ, എൽഇഡി സൗണ്ട് മൂഡ് ലൈറ്റിംഗ്, വയർലെസ് സ്മാർട്ട്ഫോൺ ചാർജർ, അലോയ് പെഡലുകൾ, കീലെസ് എൻട്രി, പുഷ്-ബട്ടൺ സ്റ്റാർട്ട് / സ്റ്റോപ്പ് എന്നിവ സോനറ്റിന്റെ പ്രത്യേകതകളാണ് . അൻപത്തിയേഴോളം സ്പെഷ്യൽ ഫീച്ചറുകൾ ഉള്ള കിയ സോണറ്റിൽ ആറു എയർബാഗുകളും , യു വി ഒ ടെക്നോളജിയും ഉൾപ്പെടുത്തിയിട്ടുണ്ട് .
സ്മാർട്ട്സ്ട്രീം 1.2 ലിറ്റർ പെട്രോൾ, 1.0 ലിറ്റർ ടർബോ-ജിഡിഐ പെട്രോൾ, 1.5 ലിറ്റർ ഡീസൽ എന്നിവയാണ് പവർട്രെയിൻ ഓപ്ഷനുകൾ . 2020 സെപ്റ്റംബർ മാസത്തോടെ വിപണിയിൽ എത്തുന്ന കിയ സോണറ്റിന്റെ വില ഏകദേശം എട്ട് ലക്ഷം മുതൽ പതിമൂന്ന് ലക്ഷം രൂപ വരെയായിരിക്കും .
