നിത്യജീവിതത്തില് പലര്ക്കും ഒഴിവാക്കാന് കഴിയാത്ത ഒന്നാണ് ചായ. ഒരു കപ്പ് ചൂട് ചായ പലപ്പോഴും പലരുടെയും പ്രശ്നങ്ങള്ക്കും പരിഹാരം ആകാറുണ്ട്. ലോകത്ത് ചായകള് പലവിധമാണ്. വിവിധ രീതികളില് ചായ തയ്യാറാക്കുകയും ചെയ്യാം. അതുകൊണ്ട് തന്നെ ഒരു ചായ സ്നേഹിക്ക് ഒരിക്കലും മടുപ്പുണ്ടാകില്ല.
ചായക്ക് നിരവധി ആരോഗ്യ ഗുണങ്ങള് ഉണ്ടെങ്കിലും തലച്ചോറിന്റെ പ്രവര്ത്തനവുമായി ബന്ധപ്പെട്ട് പുതിയൊരു പഠനം കണ്ടെത്തിയിരിക്കുകയാണിപ്പോള്. പുതിയ പഠനം പറയുന്നത് ചായ കുടിക്കാത്തവരേക്കാള് ചായ കുടിക്കുന്നവര്ക്ക് നേട്ടമുണ്ടെന്നാണ്. ചായ കുടിക്കുന്നത് തലച്ചോറില് കൂടുതല് പ്രവര്ത്തനാപരവും ഘടനാപരവുമായ ക്ഷമതയ്ക്ക് കാരണമാകുമെന്നാണ് പുതിയ പഠനം.
ഏജിംഗ് എന്ന ജേര്ണലില് ഹാബിച്വല് ടീ ഡ്രിങ്കിംഗ് മോഡുലേറ്റ്സ് ബ്രെയ്ന് എഫിഷ്യന്സി: എവിഡന്സ് ഫ്രം ബ്രെയ്ന് കണക്ടിവിറ്റി എവാല്യുവേഷന് എന്ന പേരിലാണ് പഠനം പ്രസിദ്ധീകരിച്ചിരിക്കുന്നത്. പഠനത്തിനായി 60നും 60 വയസ്സിനും മുകളിലുള്ള ഒരു കൂട്ടം ആളുകളെ തിരഞ്ഞെടുക്കുകയായിരുന്നു.ഇവരോട് അവരുടെ ചായ കുടിക്കുന്ന ശീലങ്ങളെ കുറിച്ചും, എത്ര തവണ വ്യത്യസ്ത തരം ചായകള് കുടിക്കുമെന്നും, അവരുടെ മാനസികാരോഗ്യം, ദൈനംദിന ജീവിതശൈലി, മൊത്തത്തിലുള്ള ആരോഗ്യം എന്നിവ അടങ്ങുന്ന ഒരു ചോദ്യാവലി പൂരിപ്പിച്ച് വാങ്ങി. ഈ വിവരങ്ങളുടെ അടിസ്ഥാനത്തില് ചായ കുടിക്കുന്നവരെയും കുടിക്കാത്തവരെയും രണ്ട് ഗ്രൂപ്പുകളായി തിരിച്ച ശേഷം അവരില് എംആര്ഐ സ്കാനിംഗും മറ്റ് പരിശോധനകളും നടത്തി.
പരിശോധന ഫലം വന്നപ്പോള് ചായ കുടിക്കുന്നവരിലും കുടിക്കാത്തവരിലും ശാസ്ത്രജ്ഞര് കാര്യമായ വ്യത്യാസം കണ്ടെത്തി. ചായ കുടിക്കുന്നത് മസ്തിഷ്ക ഘടനയെ ഗുണകരമായി സ്വാധീനിക്കുന്നതായും , തലച്ചോറിലെ മൊത്തത്തിലുള്ള നെറ്റ്വര്ക്കിംഗ് കാര്യക്ഷമത വര്ദ്ധിക്കുന്നതായും, പ്രവര്ത്തനാപരവും ഘടനാപരവുമായ കാര്യങ്ങളില് കൂടുതല് കാര്യക്ഷമത ഉണ്ടാകുന്നതായും ഈ പഠനം കണ്ടെത്തി. എന്നാല് പ്രവര്ത്തനത്തില് കാര്യമായ വര്ദ്ധനവ് ഉണ്ടാക്കില്ലെന്നും പഠനം പറയുന്നു. ആറ് സ്ത്രീകള് ഉള്പ്പെടെ 36 പേരിലാണ് പഠനം നടത്തിയത്.
