ബസ്തർ ; ഇന്ത്യയിൽ ഇന്നു വരെ ഒരു സർക്കാരിനും കഴിയാതിരുന്ന മറ്റൊരു കാര്യം കൂടി നടപ്പാക്കുകയാണ് മോദി സർക്കാർ . കമ്യൂണിസ്റ്റ് ഭീകരതയുടെ കോട്ടയായ ഛത്തീസ്ഗഡിലെ ബസ്തറിൽ ആഗസ്റ്റ് 15 ന് ഇന്ത്യൻ ത്രിവർണ്ണ പതാക ഉയരും . മുൻപ് പല സർക്കാരുകളും ശ്രമിച്ചിട്ടും നടക്കാതെ പോയ പദ്ധതിയാണിത് .
സാധാരണയായി ഇവിടെയുള്ള കമ്യൂണിസ്റ്റ് ഭീകര സംഘടനകൾ ആഗസ്റ്റ് 15 സ്വാതന്ത്ര്യദിനവും, ജനുവരി 26 റിപ്പബ്ലിക് ദിനവും ബഹിഷ്കരിക്കുകയും പതിറ്റാണ്ടുകളായി അവയെ “കറുത്ത ദിനങ്ങൾ” ആയി ആചരിക്കുകയും ചെയ്യുകയാണ് പതിവ് . ഭീകരരെ ഭയന്ന് മറ്റാരും രാജ്യത്തിന്റെ പതാക ഉയർത്താൻ ശ്രമിക്കാറുമില്ല .
ബസ്തർ ജില്ലയുടെ പല ഭാഗങ്ങളും കമ്യൂണിസ്റ്റ് ഭീകരരുടെ നിയന്ത്രണത്തിലായിരുന്നു . ഇവിടെ പതിറ്റാണ്ടുകളായി സ്വാതന്ത്ര്യം ആഘോഷിക്കാത്ത നിരവധി ഗ്രാമങ്ങളുണ്ട്. ദേശീയ പതാക ഉയർത്തരുതെന്ന് ജനങ്ങളെ ഭീഷണിപ്പെടുത്തുകയും ഭീഷണിപ്പെടുത്തുകയും ചെയ്യുന്നുണ്ട് ഭീകരർ .
എന്നാൽ ഈ സ്വാതന്ത്ര്യദിനത്തിൽ, കമ്യൂണിസ്റ്റ് ഭീകരരുടെ സാന്നിധ്യമുണ്ടായിരുന്ന മർജം ഗ്രാമത്തിൽ ആദ്യമായി ഇന്ത്യൻ ത്രിവർണ്ണ പതാക ഉയർത്തും. ബസ്തർ, ദന്തേവാഡ ജില്ലകളുടെ അതിർത്തിയിലാണ് മർജം സ്ഥിതി ചെയ്യുന്നത്. മർജത്തിനു പിന്നാലെ ചിക്പാൽ, പാരചേലി എന്നിവിടങ്ങളിലും ത്രിവർണ്ണ പതാക ഉയർത്തും. മർജത്തിൽ നടക്കുന്ന പരിപാടികളിൽ ജില്ലാ കളക്ടർ, പോലീസ് സൂപ്രണ്ട് എന്നിവരുൾപ്പെടെ ജില്ലയിലെ സർക്കാർ ഉദ്യോഗസ്ഥരും പങ്കെടുക്കും.
പതാക ഉയർത്തുന്നതിനൊപ്പം ഗ്രാമീണർ ദേശീയഗാനം ആലപിക്കുകയും , ആ ദിവസം സംഘടിപ്പിക്കുന്ന പരേഡിൽ പങ്കെടുക്കുകയും ചെയ്യുമെന്നാണ് സൂചന . പല കമ്യൂണിസ്റ്റ് ഭീകരരും ഈ ദിവസം കീഴടങ്ങുമെന്നും റിപ്പോർട്ടുകൾ ഉണ്ട്.
