സതാംപ്ടണ്: ഇംഗ്ലണ്ടിനെതിരെ രണ്ടാം ടെസ്റ്റിലും പാകിസ്താന് ബാറ്റിംഗ് തകര്ച്ച. ഇന്നലെ ടോസ്സ് നേടി ബാറ്റിംഗ് തിരഞ്ഞെടുത്ത സന്ദര്ശകര് 5 വിക്കറ്റ് നഷ്ടത്തില് 126 എന്ന നിലയില് തകര്ന്നു. 25 റണ്സുമായി ബാബര് അസമും 4 റണ്സുമായി മുഹമ്മദ് റിസ്വാനുമാണ് ക്രീസില്. 46 ഓവറാണ് ആകെ പാകിസ്താന് നിര ബാറ്റ് ചെയ്തിരിക്കുന്നത്. ഓപ്പണര് ആബിദ് അലിയുടെ 61 റണ്സാണ് പാകിസ്താനെ വലിയ തകര്ച്ചയില് നിന്നും രക്ഷിച്ചത്. ക്യാപ്റ്റന് അസര് അലി 20 റണ്സില് പുറത്തായി. ഓപ്പണര് ഷാന് മസൂദ്(1), ആസാദ് ഷഫീഖ്(5), ഫഹദ് അലം(0) എന്നിവര് പെട്ടെന്ന് പുറത്തായി.
ഇംഗ്ലീഷ് ബൗളിംഗില് ആന്ഡേഴ്സണാണ് രണ്ടു വിക്കറ്റുകള് വീഴ്ത്തിയത്. ബ്രോഡ്, ക്യൂറന്, വോക്സ് എന്നിവര് ഒരോ വിക്കറ്റും വീഴ്ത്തി.
Comments