സതാംപ്ടണ്: രണ്ടാം ടെസ്റ്റില് പാകിസ്താന് ബാറ്റിംഗ് തകര്ച്ച. രണ്ടാം ദിനം കളിനിര്ത്തുമ്പോള് സന്ദര്ശകര് 9 വിക്കറ്റ് നഷ്ടത്തില് 223 എന്ന നിലയിലാണ്. വിക്കറ്റ് കീപ്പര് ബാറ്റ്സ്മാന് മുഹമ്മദ് റിസ്വാന്റെ പുറത്താകാതെയുള്ള അര്ദ്ധസെഞ്ചറി(60)യാണ് പാകിസ്താനെ വന് തകര്ച്ചയില് നിന്നും രക്ഷിച്ചത്. ഒരു റണ്ണുമായി നസീം ഷായാണ് ക്രീസില് കൂടെയുള്ളത്.
മധ്യനിരയിലെ 5 ബാറ്റ്സ്മാര്ക്ക് രണ്ടക്കം തികയ്ക്കാനായില്ല. 3 വിക്കറ്റുകള് വീതം വീഴ്ത്തിയ ആന്റേഴ്സണും സ്റ്റുവര്ട്ട് ബ്രോഡുമാണ് പാകിസ്താന്റെ തകര്ച്ചയ്ക്ക് കാരണക്കാരായത്.ക്യൂരനും വോക്സും ഓരോ വിക്കറ്റും സ്വന്തമാക്കി.രണ്ടാം ദിനം കളി 5ന് 126 എന്ന നിലയില് കളി പുനരാരംഭിച്ച പാകിസ്താന് 97 റണ്സുമാത്രമാണ് കൂട്ടിച്ചേര്ക്കാന് സാധിച്ചത്. 24 ഓവറില് 48റണ്സിനാണ് ആന്റേഴ്സണ് 3 വിക്കറ്റുകള് വീഴ്ത്തിയത്. ബ്രോഡ് 25 ഓവറില് 56 റണ്സിനാണ് 3 പാക് വിക്കറ്റുകള് നേടിയത്.
