249.476 കിലോഗ്രാം ഭാരം. ആയുസ് 40 വര്ഷം, ലോകത്തെ ഏറ്റവും വിലപിടിപ്പുള്ള മത്സ്യമായ ബ്ലൂഫിന് ട്യൂണയുടെ സവിശേഷതകളാണിത്. എല്ലാ മത്സ്യങ്ങളുടെയും രാജാവ് എന്നാണ് എഴുത്തുകാരനായ ഏണസ്റ്റ് ഹെമിംഗ്വേ ഈ മത്സ്യത്തെ വിശേഷിപ്പിച്ചത്. 43 എംപിഎച്ച് ആണ് ഇതിന്റെ വേഗത. 6.5 അടി നീളമുള്ള ഈ മത്സ്യം നീണ്ട ഇടവേളയ്ക്ക് ശേഷമാണ് പുറം ലോകത്തിന്റെ കണ്ണില്പ്പെടുന്നത്.
സമുദ്ര ജീവികളെ നിരീക്ഷിക്കുകയും അവയെ കുറിച്ച് ഗവേഷണം ചെയ്യുകയും ചെയ്യുന്ന റൂപ്പര്ഡ് കിര്ക്വുഡ് എന്നയാളാണ് ദോവോന് തീരത്ത് നീന്തി തുടിക്കുന്ന ബ്ലുഫിന് ട്യൂണ എന്ന മത്സ്യത്തെ കണ്ടത്. പ്ലൈമൗത്തിന് മൂന്ന് മീറ്റര് അകലെയായാണ് മത്സ്യത്തെ കണ്ടെത്തിയത്. കടലില് നീന്തി തുടിക്കുന്ന ഈ മത്സ്യത്തിന്റെ ചിത്രങ്ങള് അദ്ദേഹം തന്റെ ക്യാമറയില് പകര്ത്തുകയും ചെയ്തു.
യുകെയില് ബ്ലൂഫിന് ട്യൂണയെ പിടിക്കുന്നത് നിയമ വിരുദ്ധമാണ്. ഈ മത്സ്യം വലയിലകപ്പെടുകയാണങ്കില് കടലിലേക്ക് തന്നെ തിരിച്ചയക്കണം. എന്നാല് ജപ്പാനില് അത്തരം നിയമ പ്രശ്നങ്ങളില്ല. ഒരിക്കല് ജപ്പാന് വിഭവമായ സുഷിയില് ഉപയോഗിക്കുന്നതിനായി 2.5 മില്യണ് യൂറോയാണ് ബ്ലൂഫിന് ട്യൂണയ്ക്കായി ജപ്പാനിലെ ഒരു ഹോട്ടലുടമ ചെലവഴിച്ചത്.
Comments